1 Tim 6:1 - JAM DE NHIALIC 2011

¹ Lïïm ëbɛ̈n lïïm cï mac yiëth, ë ke ye bänyken gup tɔ de naamden, bïk keek aa riëëu apiɛth, ke rin ke Nhialic ë ke cïï bï aa läät, ku cïï wëët ee läät aya.

1 Tim 6:1 Iomraidhean Croise

Cäk 16:9

Go tunynhial ë Bɛ̈nydït lɛ̈k en an, “Dɔ̈kë yïnɔm en, ku tɔ rɔt ee lïmde.”

Cäk 24:12

Ku lɛ̈ŋ an, “Bɛ̈nydït, Nhialic de Abraɣam bɛ̈nydï, tɔ ya tiëm ee köölë, ku nyuöthë nhiëërduön agɔk bɛ̈nydiën Abraɣam.

Cäk 24:2

Na ɣɔn, ke lëk Abraɣam lïmdɛn dïït nu në kake nïïm kedhie an, “Luötë yïcin në yaɣɔ̈ɔ̈m, ku kuɛ̈ɛ̈ŋë.

Cäk 24:27

lueel an, “Athiɛɛi ë tɔ̈u kekë Bɛ̈nydït, Nhialic de bɛ̈nydiën Abraɣam, raan kën nɔm määr në nhiëërdɛn agɔk. Ku kën nɔm määr në thöndɛn cï thɔ̈n bɛ̈nydï. Bɛ̈nydït ë ya caath ëgɔk, bïï ɛn baai de yï bɛ̈nydiën Abraɣam.”

2 Tham 12:14

Ku në biäk kën yïn Bɛ̈nydït riëëu ku loi ee kënë, mɛnhdu abï thou.”

2 Mel 5:13

Na wën, ke lïïmke ë ke lɔ ë yelɔ̈ɔ̈m, ku luelkï, an, “Bɛ̈ny, të ë tiët ë cï yï gäm luɔidït aläl, adï kɛ̈në looi. Ënɔɔnë, eeŋö cï yïn rɔt go lɔ waak cït man cïï yen e lueel, ke yï bï guöp waar?”

Neɣe 9:5

Kɔc ke Lebaikë: Jecua, ku Kadmiel, ku Bani, ku Ɣacabania, ku Cerebia, ku Ɣodia, ku Cebania ku Pethaya. Acïk lueel an: “Jatkï röt ku lɛ̈kkï Bɛ̈nydït Nhialicdun thieithieei. Lɛckï ënɔɔnë aɣet athɛɛr! Takï raan ëbɛ̈n thieei dhuëëŋ de rinke, takï leec mɛnh ë raan ku lëk thieithieei!”

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 52:5

Ku ënɔɔnë ë Babilonia kë cït ee kënë acï rɔt looi: wek aa pec ku acïn kë cï tääu piny ë biäkdun. Kɔc ceŋ week ayek kenïïm lɛc, ku në aköölnyïïn ëbɛ̈n ayek rinkï dhɔ̈l.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Edhekiɛl 36:20

Të cï kek lɔ ë juöör yiic, ayek ayäär yiɛ̈n rinkiën ɣer yiic, në biäk bïï kɔc en lueel an, ‘Kakë ayek kɔc ke Bɛ̈nydït Awärjäŋ ku acïk pinyde dhil nyääŋ piny.’

Edhekiɛl 36:23

Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Math 11:30

Luɔidï ee luɔi cïï ril, ku ke ya gäm kɔc bïk ɣääc ee këpiɔl.”

Math 11:9

Ku ë we lɔ biic lak ŋö tïŋ? Ee tiët? Yeka, wek yɔ̈ɔ̈k an, Ee raan dïït wär tiët arëët.

Luk 17:1

Go kɔcpiööcë yɔ̈ɔ̈k an, “Ka ye kɔc tɔ loi kërac abïk dhil bɛ̈n: ku amawoou në raan ë keek tɔ bɔ̈!

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 10:7

Na wën, aacï tunynhial wën jam ke yen jäl, ke cɔl kɔc lui ɣönde kaarou, kekë raan töŋ ë rem de tɔŋ, raan ee cool ë loi këde, ku ye raan riëëu Nhialic.

Luɔi 15:10

Na ënɔɔnë, eeŋö thɛ̈mkï Nhialic, bäk këthiek tääu ë kɔcpiööcë yiëth, këthiek cï wärkuɔ dhal ë jöt ayï wook?

Romai 2:24

Rin ke Nhialic aye ke läät ë Juööriic në baŋdun, acït man cï e gɔ̈ɔ̈r.

1 Kor 10:32

Yak tɔ̈u ke we cïï kɔc ee tɔ wäc käŋ, ayï Judai, ayï Girikii, ayï ɣööt ke Nhialic:

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Nyöŋ 28:48

Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.

1 Tim 5:14

Yen a dɛ yɛn piɔ̈u luɔi bï diëër kor thiaak, ku dhiëthkï mïthken, ku ceŋkï dhiënken apiɛth, ku cïkï raan de ater ee tɔ yök ka bï en lat.

Tito 2:5

ke ke bï aa diëër ee nïïm tiëër, diëër ɣerpiɔ̈ɔ̈th ëtop, diëër ee tɔ̈u ë dhiënken, diëër piɛth, ee jam de röörken gup piŋ, ke jam ë Nhialic ke cïï bï aa läät.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.