1 Tim 5:8 - JAM DE NHIALIC 2011

⁸ Ku na de raan reec diɛɛr në këde kɔcken, ka ye raan rac, ku na reec diɛɛr në këde dhiënde guöp, ka ye raan rac aläl, acï gäm rɛɛc ëtaiwei, aŋuɛ̈ɛ̈n ë raan kën kɔn gam.

1 Tim 5:8 Iomraidhean Croise

Cäk 30:30

Kaku aake lik ɣɔn ŋuɔɔt ɛn wei, na wään aa la bɛ̈n, ke ke ŋuak kenyïïn arëët. Ku Bɛ̈nydït aye yïn thieei agut të cän a nɔm wɛl thïn. Ku ënɔɔnë, aja kɔɔr nɔn bän kake baaidï bɛ kiëët ayadäŋ.”

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Math 18:17

Ku të reec en keek piŋ thook, ke yï lɛ̈kë ɣön ë Nhialic, ku të reec en ɣön ë Nhialic piŋ thok, ke tɔ cït jur kuc Nhialic tëde yïn ku cït raan ë athölbö tɔ kut.

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Jɔn 15:22

Tëë ya kën bɛ̈n jam wo keek, adï cïn kërɛɛc nu ë keyiëth: ku ënɔɔnë, acïn të bï keek röt kɔ̈c e kërɛɛcden.

1 Kor 6:6

Ku ënɔɔnë, raan ee lɔ gööny ke mɛnhkënë, acakaa ë kɔc reec gäm nïïm.

2 Kor 12:14

Tiëŋkï, yɛn ë cök aa rou tëde week, ku diëŋden kï, yɛn jɔ bɛ̈n, ku kakun acä ke bï aa cäm lɛ̈ɛ̈ny: acie kakun ke kaar, ee wegup wek kaar, acïï piɛth luɔi bï mïth kɔc ë dhiëth ke kuɛ̈t käŋ, ee kɔc ë dhiëth mïth kek aye käŋ kuɛ̈t mïthken.

2 Kor 6:15

Ku bï Kërtho e thok mat adï kekë Belial? Ayï raan gäm bï käŋ rɔm adï kekë raan reec gäm?

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

2Tim 2:12

Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

2Tim 3:5

kɔc ee röt tɔ cït ka cath në riëëu de Nhialic, ku yek riɛlde jai. Ye rɔt yal wei ë kɔckë lɔ̈m.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.

Nyuuth 3:8

Yɛn ŋic luɔidu (tïŋ, ɣön cï liep thok acä tuɛɛl ë yïnɔm tueŋ, ɣön cïn raan duëër e lëu ë thiɔ̈k), luɔi ciɛth yïn we riɛl thiinakäŋ, ku ye jamdï döt, ku kɛ̈në rinkï jai.