1 Tim 5:5 - JAM DE NHIALIC 2011

⁵ Ku tiiŋ cïn nɔm monyde, ku ye thuööm ëgɔk, aŋäthde ee cath ke Nhialic, ago cool ë pal Nhialic ku lɛ̈ŋ wɛ̈ɛ̈rwakɔ̈u ku aköl.

1 Tim 5:5 Iomraidhean Croise

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 49:21

Ku ëtɛ̈ɛ̈n abä aa lɛ̈k rɔt, Eeŋa ë dhiëth yɛn ë mïthkë kedhie? Mïthkï acïk määr, ku yɛn cïn nɔm mïth kɔ̈k. Yɛn aacï peec, copë ya wei, eeŋa ë muk ee mïthkë? Yɛn aacï döŋ yatök, mïthkë ë ke bɔ̈ tënou?”

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 54:1

Jeruthalem yïn cï ciët tiiŋ cïn meth, ku ënɔɔnë yïn duëër ket ku wuou në miɛtëpiɔ̈u. Ënɔɔnë yïn bï dɛk mïth juëc, awär tiiŋ kën ë monyde kɔn pɔ̈l!

Dhiëëu 1:13

“Acï mac tuööc paannhial, many ee bɛ̈n dɛ̈p ë yayic. Acï yɛn deep ë wïn de dɛ̈p ku bïï ɛn piny. Ku jɔ yɛn pɔ̈l ku nyiëŋ ɛn arɛɛm cie kɔ̈ɔ̈c.

Luk 18:1

Go keek lɛ̈k kääŋ, ke kɔc ë ke bï dhil aa cool ë lɔ̈ŋ, ku cïkï ee bäp,

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luɔi 26:7

ku dhiëënkuɔ kathiëër ku rou kek aye jamë ŋɔ̈ɔ̈th, luɔi bï en aa yic, ku yek Nhialic lam arëët aköl ku wakɔ̈u. Në baŋ de aŋäthë, yïn melik Agiripa, yen a gɔɔnyë Judai yɛn ee köölë.

Luɔi 6:1

Na ɣɔn ë aköölkë, të cï kuën ë kɔcpiööcë rɔt ŋuak ke Judai ë bɔ̈ paan ë Girikii ke ke cak dhiëëu në kɔc ke Ɣeberuu an, cï diëërken nyɔ̈ŋ diëër cïn nïïm röör, të tekë wëu ë aköölnyïïn kedhie.

Luɔi 9:39

Go Petero rɔt jɔt ku le ke keek. Na wën, aacï bɛ̈n, ke jɔkï lɛɛr ɣöt ɣön nu nhial: ku kääc diäär ëbɛ̈n ë yelɔ̈ɔ̈m diëër cïn nïïm röör, ke ke dhiau, anyuthkï yen aluluut ku lupɔɔ kɔ̈k kak ë kɔɔc Doruka, wään rëër en ke keek.

Luɔi 9:41

Go dɔm cin, ku jɔt nhial, go kɔc ɣerpiɔ̈ɔ̈th cɔɔl kekë diëër cïn nïïm röör, ku jɔ ke yiɛ̈n raan ke pïïr.

Romai 1:12

Yen aye kë bï wo muk piɔ̈ɔ̈th wokë week ëtök, në gäm cï wo gam wodhie, gämdun week ayï gämdï.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

1 Kor 7:32

Ku yɛn de piɔ̈u nɔn bä wek tɔ̈u ke we cie diɛɛr. Raan kën thiëëk ee diɛɛr ë ka ke Bɛ̈nydït, luɔi bï en Bɛ̈nydït tɔ mit piɔ̈u:

1 Kor 7:34

Ayï tik ku dhuec acïk keyiic tek. Nyan kënë thiaak ee diɛɛr ë ka ke Bɛ̈nydït, luɔi bï en yic ɣɛɛr ayï yepiɔ̈u ayï wëike: ku nyan cï thiaak ee diɛɛr ë ka ke piny nɔm, luɔi bï en monyde tɔ mit piɔ̈u.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

1 Tim 2:1

Yen a kan ɛn yï yɔ̈ɔ̈k ë käŋ kedhie an, Pal, ku lɔ̈ŋ, ku kɔ̈ɔ̈r ë këdäŋ, ku thieithieei, abï ke ya lueel në baŋ de raan ëbɛ̈n,

1 Tim 5:16

Na de raan cï gam, nɔn ee yen moc ku nɔn ee yen tik, raan de diëër cïn nïïm röör, ë kony keek, ke ɣön ë Nhialic cïï bï duɔɔny, luɔi bï en diäär kony diëër cïn nïïm röörken ku yek thum ëgɔk.

1 Tim 5:3

Ye diäär riëëu diëër cïn nïïm röörken në yic.

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

1 Pet 3:5

Yen aye kiëër ë ye diëër ɣeriic röt kiir ɣɔn thɛɛr aya, diëër ee Nhialic ŋɔ̈ɔ̈th, ku yek rëër ë jam de röörken yiic röörken gup:

Ruuth 2:12

Bɛ̈nydït abï yï cuööt në kë piɛɛthduön cï looi. Bɛ̈nydït, Nhialic de Yithriɛl, raan cïï yïn bɛ̈n tëde Yen bï yï bɛ̈n gël, abï yï puɔ̈k nɔm këriëëcduön piɛɛth cï looi ëbɛ̈n!”