1 Tim 3:3 - JAM DE NHIALIC 2011

³ raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 3:3 Iomraidhean Croise

Kɛ̈ŋ 1:19

Cuëër ee wun nɔ̈k, yen täude ka ëbɛ̈n tëde raan de guöp akuöörkuöör.

Kɛ̈ŋ 15:27

Raan dït piɔ̈u ee kɔc cam, ee baaide yiɛ̈nic awuɔɔu, ku raan man kum thok ee rëër në miɛt ë piɔ̈uwic.

Wɛ̈ɛ̈t 7:8

Thök de këdäŋ awär gölde. Ku liɛɛrëpiɔ̈u awär lɛc.

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Jeremia 8:10

Yɛn bï duumken gäm kɔc kɔ̈k, ku gäm diëërken röör kɔ̈k. Raan ëbɛ̈n meth ku raandït aye kɔɔr bïï wëu yök në kueer de ruëëny. Ayï tït ke Nhialic ku bäny de kakë Nhialic ayek kɔc math.

Edhekiɛl 44:21

Bäny ke kake Nhialic acïkï bï dhil aa dek në mɔ̈u të kën kek kɔn lɔ Luaŋdït.

Lebai 10:9

an, “Yïn wekë wɛ̈ɛ̈tku, wek cïï mɔ̈u ayï mɔ̈n tuc bï dhil dek, të la wek ë Paany de Mätic. Na lak looi, ke we bï dhil thou, ku löŋë abï cath gɔl ënɔɔnë agut wadäŋ.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Math 21:13

ku yöök keek an, “Acï gɔ̈ɔ̈r an, ‘Ɣöndï abï aa cɔl ɣön ë lɔ̈ŋ, ku week, acäk tɔ ye ɣön ë kɔc ee käŋ rum!”

Luɔi 20:33

Acïn ateek ke raan däŋ cä woi ë yapiɔ̈u, ayï adhääp ayï lupɔde aya.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

1 Tim 3:8

Ku yen acït täu de kɔc ee ka ke ɣön ë Nhialic looi aya, abïk dhil aa kɔc piɛth nïïm, ku cïkï ee kɔc ee liëp rou, ku cïkï ee kɔc ee mäu juëc kɔɔr, ku cïkï ee wäth ë wëu ke ayäär,

2Tim 3:2

Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Tito 2:3

Yen abï yïn diëër dït yɔ̈ɔ̈k aya an, bïk aa tɔ̈u ë täu de kɔc ɣerpiɔ̈ɔ̈th, ke ke cïï bï aa mantuum, ku cïkï bï aa lïïm ke mɔ̈n dït, abïk aa kɔc ee wëët ë këpiɛth,

Tito 3:2

Ku ë cïn raan yek lat, ë cïn akɔ̈ŋ yek kɔɔr, ë ke ye jam ëmääth, ku bïk kuur ee kek röt kuɔɔr piny cï dikëdik nyuöth raan ëbɛ̈n.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jakop 4:1

Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?

1 Pet 5:2

Yak luny ë Nhialic tiit luny nu ë weyiic, abäk keek aa tiit, ke cïn raan ee we cieŋ, ee këde piɔ̈ndun tei, ku acie biäk de wëu ke ayäär, ee miɛtëpiɔ̈u yen abä wek keek aa tiit.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

1 Tham 8:3

Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.