1 Tim 3:16 - JAM DE NHIALIC 2011

¹⁶ Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Tim 3:16 Iomraidhean Croise

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Math 28:2

Na wën, ke piny nieŋ rɔt arëët, ku bɔ̈ tunynhial ë Bɛ̈nydït piny paannhial, bï ku lɔɔr kuur wei ë raŋ thok, ku jɔ rëër ë yenɔm.

Math 3:16

Na wën, acï guɔ baptith, ke Yecu bɔ̈ bei ë pïïu yiic ënɔɔnthiinë, na wën, dï, ke tënhial liep eyic en, ago wëi ke Nhialic tïŋ ke ke lööny piny ke cït guöp guuk, bï ku nyuuc ë yenɔm,

Math 4:11

Go jɔŋdït rac pɔ̈l, ku jɔ tuucnhial bɛ̈n bïk bɛ̈n kony.

Mak 1:13

Ku jɔ lɔ tɔ̈u ë jɔ̈ɔ̈ric ë nïn kathiërŋuan, ke ye Catan them, ku ye tɔ̈u kekë läi roor ëtök, ku ye luööi ë tuucnhial.

Mak 16:19

Na wën, aacï Bɛ̈nydït Yecu thök ë jam ke keek, ke jɔt leerë paannhial, ku jɔ nyuc ë baŋ cuëny de Nhialic.

Mak 16:5

Na wën, aa cïk lɔ ë raŋic, ke ke jɔ dhuk tïŋ arɛ̈ɛ̈r ë biäk cuëëc, ke ceŋ lupɔ ɣer, agokï gäi arëët.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Luk 20:44

Aye Debid tɔ ye ‘Bɛ̈nydït’, ku jɔ aa wënde adï?”

Luk 22:43

Go tunynhial tuöl tëde yen, ke bɔ̈ nhial, bï ye bɛ̈n riit piɔ̈u.

Luk 24:4

Na wën, aa ŋootkï ke ke gäi në kënë, dï, ke ke tïŋ kɔc kaarou ke ke kääc ë kelɔ̈m, aceŋkï lupɔɔ lɔ bilbil.

Luk 24:51

Na wën, aa ŋoot ke ke thieei, ke jël ë keyiic, ku jɔ jɔt leerë paannhial.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 16:28

Yɛn ë bɔ̈ tëde Wäär, bä ë piny nɔm: ku ënɔɔnë, yɛn be piny nɔm nyääŋ piny, la tëde Wäär.

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Jɔn 20:12

go tuucnhial tïŋ kaarou, aceŋkï kaɣer, ke ke rɛ̈ɛ̈r, tök ë yenɔm, ku tök ë yecök, të wään cï guöp de Yecu tɔ̈ɔ̈u thïn.

Jɔn 6:62

Të cä wek Wën ë Raan tïŋ ke lɔ nhial të wään nu yen thïn, duɛ̈ɛ̈rkï lueel wäkdï?

Luɔi 1:19

Go kënë ŋic ë kɔc rɛ̈ɛ̈r ë Jeruthalem kedhie, en a cɔlë domë Akeldama në thoŋden, yen aye “Dom de Riɛm.”)

Luɔi 10:34

Na wën, ke Petero tuer e thok, ku lueel an, “Yɛn ë Nhialic tïŋ ë yic, nɔn cïï en ee raan ee kɔc kuany yiic.

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Romai 10:12

Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 10:18

Ku wek thiëëc an, Kɛ̈nkï piŋ? Go an, Ɣɛɛ, ee yic, “Rölden acï thiëi ë piny nɔm ëbɛ̈n, 2 Ku lɔ wëlken guut ë piny thar.”

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

Romai 16:26

Ku acï tɔ tiëc ënɔɔnë, ku tɔ ŋic juöör ëbɛ̈n në kacïgɔ̈ɔ̈r ë tït, acït löŋ cïï Nhialic de pïïr athɛɛr lueel, bï kek wël aa piŋ ku gamkï ke.

Romai 3:4

Acï bï aa yen! Yeka, tɔ Nhialic ee yic, ciɛk an, ye raan ëbɛ̈n alueeth, acït man cï e gɔ̈ɔ̈r an: “Luɔi bï yï tɔ piɛthpiɔ̈u në wël lueel, Ku luɔi bï yïn kɔc tiaam të guiirë löŋdu.”

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

1 Kor 2:7

Wok ee pɛlënɔm de Nhialic lueel, pɛl cï yäl kɔ̈u bei, ee jam cï thiaan, jam cïï Nhialic kɔn lueel ë yepiɔ̈u të ŋootë piny ke liu an, bï aa këde dhuëëŋde.

2 Kor 1:19

Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen.

Galatai 2:8

Ku Raan wään ee luui kekë Petero në këde tuöc cï e tuöc aŋueel, yen aaye luui kekë yɛn ayadäŋ në këde Juöör.

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

2 Theth 1:10

të cï en guɔ bɛ̈n bï dhuëëŋ bɛ̈n yök ë kɔckɛn ɣerpiɔ̈ɔ̈th yiic, ku bïï kɔc diir ee köölë, kɔc gam kedhie (luɔi cä wek jam cuk lɛ̈k week gam).

2 Theth 2:7

Luɔi de reec de löŋ luɔi de këcïmoony ee luui ënɔɔnë: ku raan pën en luɔi aläl anu ënɔɔnë aɣet të bï e nyaai ë ciɛɛlic.

1 Tim 3:9

abïk aa kɔc ee jam de gäm döt ë piɔ̈n agɔk, jam ɣɔn cï moony.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 7:7

Ku ënɔɔnë acïn raan bï ye bɛ jɔ̈ɔ̈ny luɔi ye raan dït raan koor thieei.

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Pet 1:20

Raan cï kɔn ŋic ɣɔn thɛɛr ke piny ŋoot ke kënë cak, ku cï nyuɔɔth ëkööl ë thök ë piny në biäkdun,

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

1 Jɔn 1:2

Ku pïïr acï tïc ëgɔk, ka cuk tïŋ, ku yök cäätɔɔ në këde, agoku week aa guiëër pïïr athɛɛrë, pïïr ë nu ke Wääda, ku cï nyuöth wook.

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”

Nyuuth 17:7

Go tunynhial a thiëëc, an, “Eeŋö ë yïn gäi?” Yïn bä lɛ̈k jam de këcïmoony, në biäk de tik, ku në biäk de lɛ̈n rɛɛc ë ye ɣääc, lɛ̈n cath ke nïïm kadhorou ku tuŋ kathiëër.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.