1 Tim 2:2 - JAM DE NHIALIC 2011

² në baŋ de meliik, ku kɔc nu ë kɔc nïïm kedhie, luɔi bï wo tɔ̈u ke wo rëër ke cïn riɔ̈ɔ̈c, ku rëërku ëdïu, në riëëu dïït ee wok Nhialic riëëu ku thɛ̈k ee wo kɔc theek.

1 Tim 2:2 Iomraidhean Croise

2 Tham 20:19

Këda ee wun dït, ku ee wun töŋ de mät, ku ye bäny riëëu ë Yithriɛl. Eeŋö kaar wek bäk riɔ̈ɔ̈k? Kaarkï bäk këde Bɛ̈nydït riɔ̈ɔ̈k?”

Edhr 6:10

Agokï dɛ të bïï kek miɔ̈c ye Nhialic de paannhial tɔ mit piɔ̈u gam, ku lɛ̈ŋkï në pial de guöp de Melik kekë wɛ̈ɛ̈tke.

Neɣe 1:11

Ku ënɔɔnë piŋ lɔ̈ŋdï ku lɔ̈ŋ de lïïmkuön kɔɔr bïk Yïn riëëu. Tɔ ya tiëm ee köölë ku bï Melik piɔ̈u kok ke yɛn.” Në aa köölkë ee yɛn aaye raan ee ka ye melik dek kɔn thiëëp nïïm.

Diɛt 72:1

Gämë melik yicdu Nhialic, ku gämë piathëpiɔ̈ndu wënduön bɛ̈ny.

Kɛ̈ŋ 24:21

Ye Bɛ̈nydït riëëu kekë bäny ke piny nɔm mɛnhdï, ë cïn këdu yic thïn wekë kɔc ee ke rɛɛc thook.

Jeremia 29:7

Yak kë piɛth looi ë biäk ë pɛ̈ɛ̈nydït cän we lɛɛr thïn ke we mac. Yak Yɛn lɔ̈ŋ ë biäkden, në biäk na lek kuɛth, ke we bï kuɛth ayadäŋ.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

1 Theth 4:11

Ke we bï rëër bä wek rëër ëmääth aa cool ë thɛm wek e, ku bäk kakun gup aa looi, ku yak luui ë wecin, acït man cï wok e lɛ̈k week.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.