1 Tim 1:9 - JAM DE NHIALIC 2011

⁹ Në luɔi ŋic wok kënë an, Löŋ akënë tääu në këde raan piɛthpiɔ̈u, ee këde kɔc reec löŋ gam kɔc ee löŋ yalic, yen aa tɛ̈ɛ̈uwë ye, ayï këde kɔc reec Nhialic gam ku kɔc ee kërac looi, këde kɔc cïn piɔ̈ɔ̈th riëëu ku cïnku gup athɛɛk, këde kɔc ee wärken dui ku duikï märken, këde kɔc ee kɔc nɔ̈k,

1 Tim 1:9 Iomraidhean Croise

2 Tham 16:11

Ago Debid lɛ̈k Abicai kekë bänyke kedhie an, “Mɛnhdï akɔɔr bïï yɛn nɔ̈k! Ku eeŋö ee week tɔ gäi ë kë looi raan wun ë Benjamin? Acï Bɛ̈nydït lɛ̈k en bï a lam! Pälkï, ë lam ɛn ëtɛ̈ɛ̈n.

2 Mel 19:37

Na ɣɔn ë kööl tök, të lɛ̈m en luaŋ ë yanhdɛn Nithrokic, go wɛ̈ɛ̈tke kaarou yï Adramelek ku Caredher nɔ̈k në abätɛ̈ɛ̈u. Gokï bɛ̈n kat ke ke lɔ piny de Ararat, ago Etharɣadon wënde lɔ në nyinde yic ke ye melik.

2 Lëk 32:21

Go Bɛ̈nydït tunynhial tuööc ku nɛ̈k rem de tɔŋ ku bäny ke rem ë tɔŋ de Athiriya. Go melik yenɔm pɔ̈k Athiriya ke cï yäär. Na ɣɔn ë kööl tök ke tɔ̈u ë luaŋ yaathde yic, go nɔ̈k në abätäu në wɛ̈ɛ̈tke.

Bɛ̈n 20:13

“Du raan näk.

Bɛ̈n 21:14

Ku na tɛk raan bï raan nɔ̈k, ku nɛ̈k raan ke ŋic, ke näk, na cakaa yen ë cï kat le thiaan në yïïŋdï thar piny.

Kɛ̈ŋ 20:20

Mïth ee wärken ku märken läät, abïï ke pïïrden teem kɔ̈u.

Kɛ̈ŋ 28:17

Raan cï riɛk yök në këde raan cï nɔ̈k, abï dhil aa pɔ̈l ke kuany piny ke cïn raan kony en.

Kɛ̈ŋ 28:24

Raan cuëër kɔc ë dhiëth en, ku lueel an, kën wäc, acïï duëërë kuɛɛn wei në kɔc ee käŋ riɔ̈ɔ̈k yiic.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Jeremia 23:11

Aye Bɛ̈nydït lueel an, “Tït ku bäny ke kake Nhialic akuckï Nhialic, acä keek dɔm ke ke loi kërac ë Luaŋdït guöp.

Edhekiɛl 21:25

“Yïn bɛ̈ny rɛɛc de Yithriɛl cïï yic ɣer, kööldu, köölduön ciëën bïï ë yïn luöi këtuc abɔ̈.

Lebai 20:9

Na lɔ raan wun kekë man läm aciɛɛn raanë abï dhil nɔ̈k, në biäk cïï yen wun kekë man lam, ku riɛmde abï nu ë yeyeth yetök.

Math 10:21

Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Romai 1:30

ayek kɔc ë kɔc cäk thook, kɔc man Nhialic, kɔc tät gup, röördït piɔ̈ɔ̈th, kɔc ee röt leec, kɔc ee cäp rac cak, kɔc ee ka ke kɔc ë dhiëth keek rɛɛc piŋ,

Romai 4:13

Luɛl cï ye kɔn lueel, an, bï aa raan bï piny lɔ̈ɔ̈k lak, aacï bɔ̈ tëde Abraɣam ayï käude në löŋ, aa bɔ̈ në piathëpiɔ̈u cï yök në gäm.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Galatai 3:19

Ku löŋ, eeŋödɛn bï looi? Acï tääu thïn në biäk de wäc cï kɔc käŋ wööc, aɣet të bï käu bɛ̈n, käu cï kɔn lueel an, bï gäm en, ku acï ŋiëc guik apiɛth ë tuucnhial, ku jɔ tääu ë raan ë kɔc luk cin.

Galatai 5:18

Ku të ye we thel ë Wëi, ke we cie tɔ̈u ë löŋic.

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

1 Tim 4:7

Ye kɔ̈ɔ̈r rɛɛc ka ye kɔc paar në ka ke piny, ayï ka ye dɔɔc paar. Ye rɔt them në riëëu ee yïn Nhialic riëëu.

1 Tim 6:20

Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

2Tim 2:16

Ku yïn bï rɔt tɔ̈ɔ̈u pei ë jam ë dhɔ̈ɔ̈n jam ɣɔ̈ric cïnic riëëu: jam cït ee kënë abï lɔ ke lɔ, ago reec ee kɔc Nhialic rɛɛc go rɔt ŋuak.

2Tim 3:2

Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

Tito 1:10

Ade kɔc juëc nu, kɔc ee löŋ rɛɛc piŋ, kɔc ee ɣɔ̈ric lueel, ku yek kɔc math, ku tëdït ë keek ee kɔc aŋueel.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Tito 1:6

Na de raan cïn kë bï e gɔ̈k, mony de tiiŋ tök, raan de mïthkɛn cï gam, mïth kënë kɔn gaany në baŋ de thuëëc de käŋ ku reec de löŋ.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Ɣeberuu 11:31

Aa ye gäm de yic aŋäth yen aa tɔ pɛ̈ɛ̈ny ke Jeriko wiëëk të ɣɔn wil ë kɔc ke Yithriɛl ke kɔ̈ɔ̈th në nïn kadhorou.

Ɣeberuu 12:16

Ku yak röt tiit në kɔc cïn gup athɛɛk ku dhööm ku kɔc cïn piɔ̈ɔ̈th gäm cït man ë Ethau. Ku tiëŋkï! Duëër raan dïtdɛn yen kɛ̈i gam kekë athiɛɛidɛn bï bɛ̈n, cït man ë lupɔ, në aduŋ töŋ de këcam?

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

1 Pet 3:20

Wëi ke kɔc ee löŋ rɛɛc piŋ ɣɔn thɛɛr, ɣɔn tiit ë liɛɛr ë Nhialic piɔ̈u kɔc ɣɔn nu Nowa, të ɣɔn looiyë abëldït, abël ɣɔn cï kɔc liaakäŋ kony wëi thïn, kɔc kabɛ̈t, në pïïu.

1 Pet 4:18

Cït man ye këcïgɔ̈ɔ̈r ye lueel an, “Ku të ye raan piɛthpiɔ̈u kony wëi ë kadhäl, ke raan reec Nhialic ku raan ee kërac looi bïk tïc tënou?”

Juda 1:15

bï kɔc bɛ̈n tɔ yök këdɛn tuc kedhie, ku bï kɔc reec Nhialic riëëu bɛ̈n jɔ̈ɔ̈ny në luɔidɛn rɛɛc cïk looi ëbɛ̈n në reec reec kek Nhialic riëëu, ku jäny kɔc në jam tuc cïk lɛ̈k en ëbɛ̈n, kek kɔc ee kërac looi kɔc reec Nhialic riëëu!”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.