1 Tim 1:5 - JAM DE NHIALIC 2011

⁵ Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 1:5 Iomraidhean Croise

Diɛt 24:4

Ee kɔc lɔ piɔ̈ɔ̈th wai ee kapiɛth looi, kɔc cïï yiëth ee lam kɔc cie kuëëŋ në lueth.

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Dhep 3:7

Ku aa cä tak an bï kɔckï A yiɛ̈n riëëu ku gamkï duidï, ku cïï ɣöötken bï bɛ nyuän thäär bei, ku ënɔɔnë aŋootkï ke ke loi karɛc cït ëmanë.

Math 12:35

Raan piɛth piɔ̈u ee kapiɛth bɛ̈ɛ̈i bei në kakɛn piɛth nu ë yepiɔ̈u, ku bïï raan rac piɔ̈u karɛc bei në kakɛn rac nu ë yepiɔ̈u.”

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

Luɔi 15:9

Ku acïn puny cï en wo pɔ̈ɔ̈c yiic, wook në keek, wään cï en keek waak piɔ̈ɔ̈th në gäm.

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Romai 14:15

Të cï mɛnhkui piɔ̈u diu në baŋ de rïïŋduön ë cuet, ke yïn cïï be rëër ë rëër ë nhiëër. Du raan riäk në rïïŋduön ë cuet, raan wään thouwë Kërtho në biäkde.

Romai 9:1

Ee yic en luɛɛl në Kërthoyic, yɛn cïï lueth tör, ku jam cä yök ë yapiɔ̈u ee cäätɔ kekë yɛn ëtök ë Wëidït ɣer yiic an:

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

1 Tim 1:18

Thönë yen atääu ë yïciin yïn Timotheo mɛnhdï, në baŋ de wël cï kɔn guiir tueŋ në këdu, ke bï yïn ke tɔŋ piɛth aa biök:

1 Tim 1:19

ku bä gäm aa muk, ku muk ŋïny ee yïn yïpiɔ̈u ŋic nɔn le en gɔk, ŋïnyë acïï kɔc kɔ̈k cuat wei, agokï gämden tɔ riääk, acït man abël cï pol ë pïïu yiic.

1 Tim 3:9

abïk aa kɔc ee jam de gäm döt ë piɔ̈n agɔk, jam ɣɔn cï moony.

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 13:18

Läŋkï në biäkda, agoku ŋoot ke wo lɔ piɔ̈ɔ̈th gɔk, ku athemku duëërku këpiɛth aa looi në akööl thook ëbɛ̈n.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 3:16

yak cath ë piɔ̈n agɔk, ku na cakaa kek ë ye we tum gup an, yak kɔc ee kërac looi, ka bïk yäär kek kɔc ee rëërduön piɛth ë Kërthoyic lat.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.