1 Tim 1:4 - JAM DE NHIALIC 2011

⁴ Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

1 Tim 1:4 Iomraidhean Croise

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Epethiei 3:2

Të cä wek këde luɔi ë dhuëëŋ de Nhialic piɔ̈u piŋ, luɔi cï gäm ɛn ë këdun:

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Tim 4:7

Ye kɔ̈ɔ̈r rɛɛc ka ye kɔc paar në ka ke piny, ayï ka ye dɔɔc paar. Ye rɔt them në riëëu ee yïn Nhialic riëëu.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

1 Tim 6:20

Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

2Tim 2:14

Ye keek täk nïïm ë kakë, ku ye cök ë yöök yïn ke ë Bɛ̈nydït nɔm, ke ke cïï wël bï aa tɛɛr ë teer cïn këpiɛth ee yök thïn, teer ee kɔc pïŋ riɔ̈ɔ̈k piɔ̈ɔ̈th.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

2Tim 2:23

Ku ye lop ɣɔ̈ric rɛɛc, lop ë kɔc kën wëët lop, aŋic nɔn ee kek ateer bɛ̈ɛ̈i.

2Tim 4:4

Ku abïk keyïth wɛl wei në yicic, yiɛlkï röt të nu päär ë kɔ̈ɔ̈r.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

Tito 1:14

ku cïkï kɔ̈ɔ̈r ee Judai paar ee piŋ, ayï lööŋ lueel kɔc tei, kɔc ee röt yal wei ë yicic.

Tito 3:9

Ku kääcë ya në lop ee kɔc luɔp ë ɣɔ̈ric, ku jam në këde kuarken ë kɔc, ku ateer, ku teer ee kɔc teer në këde löŋ, kakë acïn këpiɛth ee yök thïn, ee ka ɣäär yiic.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.