1 Tham 8:3 - JAM DE NHIALIC 2011

³ Ku mïth ke Thamwɛl akënkï luɔɔi de wunden kuany yic, gokï röt yal ë ruëëny yic, ku yek kum thok nööm, ku cïkï lööŋ ee ŋiëc guiir.

1 Tham 8:3 Iomraidhean Croise

2 Tham 15:4

Ku jɔ Abthalom lueel an, “Akaar adï ja aa bɛ̈ny de luk! Ago kɔc de nïïm ka dhal keek aa bɛ̈n tëde yɛn, ku aduɛ̈ɛ̈r keek gäm yic.”

Diɛt 15:5

Ku ayek wëu gam ke ke cïï kɔ̈ɔ̈r aŋuëk, ku acïï ke duëërë gäm kumthok, ciɛ̈k en raan cïn guöp awäc thok. Raan ee ka cït ee kake looi kedhie abï aa kony.

Diɛt 26:10

kɔc ee karɛc looi ë ceŋ ku cïk cïn thiäŋ në kum thok.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 23:6

“Du yic de raan kuany nyin jiɛi në gööny nɔm.

Bɛ̈n 23:8

Du yïthok ee tɔ kum, kumthok ee raan tɔ bai yic, ku mɛ̈ɛ̈r yic de kɔc cïn guöp awäc.

Wɛ̈ɛ̈t 2:19

Ku eeŋa ŋic en nɔn bï aa raan pelnɔm ku nɔn ee raan piɔlpiɔ̈u? Ku abï ya bɛ̈ny de kake luɔɔidït cä looi ë piny nɔm në pɛlënɔmdï, kënë aya ee ɣɔ̈ric.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Nyöŋ 16:19

Abïk aa kɔc cïï löŋ ee kuöc guiir, ku cïkkï kɔc ee tekiic në kuömden yic, ku acïkï kumthok bï aa nööm, në baŋ ye miɔ̈c kɔc pelnïïm ku kɔc adööt tɔ cɔɔr, ku tɔ keek tɔ guiir löŋ ë kueer rac.

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 6:10

Nhiëër ë wëu ee mei de këriëëc rac ëbɛ̈n: aye kɔc kɔ̈k woi ë kepiɔ̈ɔ̈th, ago ke cɔ̈k nïïm wei ë gämic, ku jɔkï röt guööt ë jiɛth ë kajuëc cï kek piɔ̈ɔ̈th jiɛth.

1 Tham 12:2

ku ënɔɔnë yen abï we wat. Na pëk ke ee yɛn ke yɛn cï dhiɔp ka yɛn cï nɔm ɣɛɛr, ku wɛ̈ɛ̈tkï atɔ̈ukï ë week ëtök. Yɛn aaye bɛ̈nydun gɔl ɣɔn ee yɛn dhuk agut cï ënɔɔnë.

1 Tham 2:35

Yɛn bï bɛ̈ny de kake Nhialic adöt lɔc, raan bï këde Yapiɔ̈u looi. Abä gäm mïth juëc, ku abï A luööi ëceŋ të tɔ̈u melikdiën cä lɔc thïn.