1 Tham 7:6 - JAM DE NHIALIC 2011

⁶ Agokï kenïïm lɔ kut Midhpa. Gokï pïïu gem, ku wɛ̈lkï keek piny ke ye miɔ̈c de Bɛ̈nydït, ku reeckï këcam ee köölë yic ëbɛ̈n. Gokï lueel an, “Wok cï awäc luöi Bɛ̈nydït.” (Go Thamwɛl agööth ke Yithriɛl guiir në Midhpa.)

1 Tham 7:6 Iomraidhean Croise

Cäk 31:49

Ku ciëk mën an Midhepa, në luɔi ë cï yen ë lueel an, “Bɛ̈nydït Yen abï kë looi ë ŋɛk aa woi, në kaamdï wo yïn të mëëc wok ë röt.

2 Tham 14:14

Wok bï thou wodhie, wok cït pïïu cï lɔ wei, pïïu cïï duëërë bɛ määt yiic. Ayï Nhialic acïï kɔc cï thou ee bɛ tɔ pïïr, ku melik aduëër kueer bïï yen raan cï kat tɔ puk yenɔm wut.

1 Mel 8:47

jɔ lɔ̈ŋ de kɔcku piŋ. Të nu kek ee pinyë, ku cï kepiɔ̈ɔ̈th puk në awänyden Yic, ku lɛ̈ŋkï Yïn ke ke gam awɛ̈ɛ̈c, an, wok cï awɛ̈ɛ̈c looi, ku karɛc ëbɛ̈n. Bɛ̈nydït piŋ lɔ̈ŋden.

1 Lëk 11:18

Go wɛ̈ɛ̈t ril ke rem de tɔŋ kadiäk röt kuany, ku dhilkï tëëk ë pɛɛny ke rem ë tɔŋ de Pilithiin yiic. Gokï pïïu lɔ gem ë yith yic, ku yïnkï pïïu Debid. Ku akën pïïu bɛ̈n dek, acï ke bɛ̈n wäl piny ke ee miɔ̈c gëm Bɛ̈nydït

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

Neɣe 9:27

Ëtɛ̈ɛ̈n acï keek tɔ pec ëkɔc ke aterden, ku cieŋkï keek, na lek tɔ̈u në nuanic ke ke cɔl kuɔɔny tëde Yïn, ku bɛ̈ɛ̈rë këden paannhial, në kokdepiɔ̈nduön dït acï keek tuöc bäny, bïk keek bɛ̈n kony në kɔc ke aterden.

Jop 16:20

kɔc man get a guöpë ayek määthkï, ka yɛn ë pïïu lɔ̈ny Nhialic,

Jop 3:24

Dhiëndï yen ee kuïndiën ya cam, ku ja ŋun ë ŋun cïï kɔ̈u ee tɛɛm.

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 106:6

Wok cï wäc cït man ë kuarkuɔ, wok cï kërac looi ku ciɛthku në rɛ̈ɛ̈c yic.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 42:3

Pïïu ke yanyin acïk aa këcamdï aköl ku wakɔ̈u, të ye kɔc ke aterdï a yɔ̈ɔ̈k aköölnyïïn an, “Nu Nhialicdu ë nou?”

Diɛt 6:6

Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Jeremia 31:19

Wok cï röt yal wei ë Yïlɔ̈ɔ̈m, ku wok cï röt guɔ lɔ pɔ̈k Yïn. Wën cï Yïn wo luöi këtuc, wok cï wonïïm nɔ̈ɔ̈k nhial ë dhiënëpiɔ̈u. Wok cï gup riɔ̈ɔ̈c ku cuk yäär, në biäk cï wok wäc ke wo kor.’

Jeremia 36:9

Në pɛɛi ë dhoŋuan ë ruöön ë dhïc wään ye Jeɣoyakim melik de Juda, go kɔc cäm rɛɛc ë biäk bï kek Bɛ̈nydït tɔ kok piɔ̈u ë keek. Cäm aa reec ë kɔc tɔ̈u ë Jeruthalem kedhie, ku lɔ kɔc cï bɛ̈n ë wuöt ke Juda yiic ëbɛ̈n.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Dhiëëu 3:49

“Pïïu ke yanyin abïk wɛ̈t bei në nyin cie kɔ̈ɔ̈c.

Dhiëëu 5:16

Acïn kë cï döŋ në kak ee wook tɔ lec röt. Amawoou në wook, wok cï karɛc looi, ku ënɔɔnë wok cï luöi këtuc.

Edhekiɛl 20:4

“Mɛnh ë raan, cï rɔt guiir bä löŋden guiir? Ke jɔ looi. Täkë kenïïm në karɛc cïï kuarken looi.

Ɣodh 5:1

“Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 26:40

“Ku na lek karɛcken gam ku gɛmkï karɛc ke wärken, ku gɛmkï awɛ̈ɛ̈c cïk luöi Ɛn ku aterdɛn cïk looi në Yɛn.

Luk 15:18

Yɛn bï rɔt jɔt, la tëde wäär, la ku luɛɛl an, “Wäär, yɛn ë kërac luöi Nhialic, ku luöi yïn kërac aya.

Jocua 18:26

ku Midhpa, ku Kepira, ku Modha,

Bäny 10:10

Na wën ke kɔc ke Yithriɛl ë ke läŋ Bɛ̈nydït, an, “Wo cï karɛc luöi Yïn, wok cï Nhialicda puɔ̈l ku yok Baal lam.”

Bäny 10:15

Go kɔc ke Yithriɛl Bɛ̈nydït yɔ̈ɔ̈k, an, “Wok cï karɛc wööc, luöiyë wook kë Ye tak ke piɛth. Yïn lɛ̈ŋku luäk wook ënɔɔnë Bɛ̈nydït.”

Bäny 2:4

Na wën acï tunynhial ë Bɛ̈nydït thök ë jam, go kɔc ke Yithriɛl ke röt jat nhial dhiaukï.

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

1 Tham 1:15

Ago Ɣana ye bɛ̈ɛ̈r an, “Acie yeka bɛ̈nydï, yɛn ee tiiŋ cï nuan arëët, ku yɛn kën kɔn dek ë mɔ̈u ayï mɔ̈n tuc. Yɛn aa läŋ Bɛ̈nydït në yapiɔ̈u ëbɛ̈n.

1 Tham 10:17

Ku ëtɛ̈ɛ̈n, Thamwɛl ë kɔc ke Yithriɛl bɛ̈n caal në Bɛ̈nydït nɔm kedhie në Midhpa,

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 7:15

Ku Thamwɛl acï bɛ̈n tɔ̈u ke ye bɛ̈ny de Yithriɛl në pïïrde yic.