1 Tham 7:3 - JAM DE NHIALIC 2011

³ Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”

1 Tham 7:3 Iomraidhean Croise

Cäk 35:2

Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 8:48

Na cïk röt pɔ̈k Yïn në piɔ̈nden ëbɛ̈n, ku wëiken ëbɛ̈n, ku lɔ̈ŋkï ke ke wël kenïïm piny ɣɔn gämë kuarken, ku wëlkï kenïïm pänydït ɣɔn cï lɔc, ku wëlkï kenïïm Luaŋdïït cä yïk në rinku,

2 Mel 17:39

Ku we bï Ya riëëu, Yɛn Bɛ̈nydït Nhialicdun, ku wek bä luäk bei në kɔc ke aterdun cin ëbɛ̈n.”

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

1 Lëk 22:19

Ënɔɔnë luööiyë Bɛ̈nydït Nhialinydu në piɔ̈ndu ëbɛ̈n, ku wëiku ëbɛ̈n. Gɔl yïŋ de tëɣeric, ke yï bï Athänduŋ de män de Bɛ̈nydït tääu thïn, ku lɔ ka kɔ̈k ɣer yiic ye kɔc ke läm looi.”

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 19:3

Ku cakaa nɔn tɔ̈u en aya, ade këpiɛth ë yïguöp. Yïn cï kïït ke yanh tik Acera ye kɔc lam nyaai, ku acï them bä këde piɔ̈n ë Bɛ̈nydït kuany yic.”

2 Lëk 20:33

ku ɣään ke läm de yiëth akënë ke dhuɔŋ piny. Kɔc aake ŋoot ke ke kën kepiɔ̈ɔ̈th wel ëbɛ̈n, bïk Bɛ̈nydït Nhialic de kuarken aa lam.

2 Lëk 30:19

“Bɛ̈nydït Nhialic de kuarkuɔ, në piathdu pälë ee kɔc läŋ yïn ë piɔ̈ɔ̈thken ëbɛ̈n awɛ̈ɛ̈cken, acakaa nɔn kën kek lööŋ ke tëɣeric agɔk döt.”

Kɛ̈ŋ 16:1

Kïït ee këde raan ku lee thök ë Bɛ̈nydït ciin.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Jeremia 24:7

Abä keek gäm piɔ̈n bï kek ye ŋic nɔn Yɛn Bɛ̈nydït. Ku ëtɛ̈ɛ̈n abïk aa kɔckï, ku Yɛn bï aa Nhialicden, në biäk bï kek kenïïm pɔ̈k Ɛn në piɔ̈nden ëbɛ̈n.

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Edhekiɛl 14:6

“Ënɔɔnë, lɛ̈kë baai de Yithriɛl, kë luɛɛl yɛn Bɛ̈nydït Awärjäŋ: pɔ̈kkï we piɔ̈ɔ̈th ku pälkï yiëth rackun.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luk 4:8

Go Yecu puk nɔm an, “Waanë ë yakɔ̈u ciëën, Catan: acï gɔ̈ɔ̈r an, ‘Yïn bï Bɛ̈nydït Nhialicdu aa lam, ku yen etök yen abä ya luööi!”’

Jɔn 4:24

Nhialic ee Wëi, ku kɔc lam en abïk e dhil lam në wëi ku në yic.”

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 13:4

Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 4:29

Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Jocua 13:31

Ku mɛt biäk de Giliyad thïn, kekë Acetaroth, ku Ederi, ku pɛ̈ɛ̈nydït ke ciɛɛŋ ɣɔn cieŋ ë melik Og në Bacan. Kek wuöt ë gëmë biäk de dhiën ë Manatha ka, mïth baai ke ɣön ë Makir thok, wën ë Manatha.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

Jocua 24:23

Go Jocua lueel an, “Na cäk gam aya, ke we cuɛt yiëth cath në week wei taitai abï cïn tök. Ku nhiaarkï Bɛ̈nydït Nhialicdun në wepiɔ̈ɔ̈th ëbɛ̈n.”

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:13

Acïk Bɛ̈nydït pɔ̈l në läm ku lɛmkï Baal kekë Acetaroth.

1 Tham 31:10

Ëtɛ̈ɛ̈n gokï kakɛn ë tɔŋ tääu ë luaŋ de yanh cɔl Acetaroth yic, ku jɔkï guöpde piäät në päny de wun cɔl Beth Can kɔ̈u.