1 Tham 3:9 - JAM DE NHIALIC 2011

⁹ Go Eli lɛ̈k Thamwɛl an, “Lɔ ciëën në agen nɔm ku tɔ̈c, ku të cï yen yïn bɛ cɔɔl, luel an, ‘Jam Bɛ̈nydït, lïmdu apïŋ.”’ Ago Thamwɛl jäl ke lɔ tɔ̈c në agende nɔm.

1 Tham 3:9 Iomraidhean Croise

Diɛt 85:8

Yɛn piŋ kë lueel ë Bɛ̈nydït Nhialic, acï wook lɛ̈k gutguut ë biäk de mät, wook kɔc ke naamde, na cukku be lɔ në kuɛɛrkuɔn raciic.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Bɛ̈n 20:19

Ku lëkkï Mothe an, “Jäämë wook yïn, ku kë luel abuk piŋ. Të le Nhialic wo jääm, wok bï thou.”

Yith 6:8

Ëtɛ̈ɛ̈n acä piŋ ke lueel Bɛ̈nydït an, “Eeŋa duɛ̈ɛ̈r tooc? Eeŋa bï aa tunyda?” Aguɔ bɛ̈ɛ̈r an, “Yɛn bï lɔ! Toc ɛn!”

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Luɔi 9:6

Go lath, guöp ku pɛ̈u piɔ̈u, go thiëëc an, “Bɛ̈nydït, eeŋö kɔɔr kë bä looi?” Go Bɛ̈nydït lueel an, “Jɔt rɔt, lɔ pänydït, yïn bï lɛ̈k kë bä looi.”

Jocua 5:14

Go puk nɔm an, “Yɛn cie raandun, ku yɛn cie raan de kɔckuön ke ater. Yɛn ee bɛ̈ny ë rem de tɔŋ ë Bɛ̈nydït.” Go Jocua rɔt cuat piny, ke jam ke gut e nyin piny, lɛ̈ŋ lueel an, “Yɛn awundu bɛ̈ny. Eeŋö kɔɔr kë luöi Yïn?”

1 Tham 3:10

Go Bɛ̈nydït bɛ̈n ku kɛ̈ɛ̈c në yelɔ̈ɔ̈m, ku cɔɔl cït man awën an, “Thamwɛl, Thamwɛl!” Go Thamwɛl bɛ̈ɛ̈r an, “Jam, lïmdu apïŋ.”

1 Tham 3:8

Na wën ke Bɛ̈nydït ë be Thamwɛl cɔɔl në këde diäk an, “Thamwɛl.” Go Thamwɛl rɔt jɔt, ku le tënu Eli, ku lueel an, “Yïn cï ya cɔɔl, yakï eenë.” Go Eli jɔ ŋic nɔn Yen Bɛ̈nydït, Yen ee meth cɔɔl.