1 Tham 2:8 - JAM DE NHIALIC 2011

⁸ Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.

1 Tham 2:8 Iomraidhean Croise

Cäk 41:14

Go melik Jothep tɔ dïcë. Go Jothep guɔ lɔ bɛ̈ɛ̈i ënɔnthiinë ɣön ë mac. Na wën, aacï mut, ku wɛɛr lupɔɔke, ke bɔ̈ të nu melik.

Cäk 41:40

Yïn bä gäm bääny de wundï ëbɛ̈n. Ku kɔckï kedhie, abïk kë luel aa piŋ. Ku në biäk de thööc ee yïn abï nu në yacök.

2 Tham 7:8

“Ka lɛ̈kë awundiën Debid an, Yɛn Bɛ̈nydït de rɛm. ‘Yïn cä jɔt ë tiët de thök yiic, ke yï bï aa bɛ̈ny nu ë kɔckiën ke Yithriɛl nïïm.

1 Mel 16:2

Yïn aa cie raan, ku yïn cä bɛ̈n looi ke yï ye bɛ̈ny wat kɔckiën ke Yithriɛl ku ënɔɔnë yïn cï wäc cït Jerobowam, ku watë kɔckï në awäcic. Awɛ̈ɛ̈cken acïk a jat piɔ̈u nhial në agɔ̈th.

2 Mel 9:6

Gokï lɔ ɣöt kaarou, go dhuŋ de tiët miök de olip wäl ë Jeɣu nɔm, ku lëk en an, “Acï Bɛ̈nydït Nhialic de Yithriɛl lueel an, ‘Bä yï tɔc ke yï ye melik de kɔckiën ke Yithriɛl.

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Diɛt 102:25

wään thɛɛr Yïn cï pinynɔm cak, ku loi paannhial në cinku.

Diɛt 104:5

Yïn cï pinynɔm tääu ë këërkëërde yic, ku acïï bï wony tëde anande.

Diɛt 107:41

Bɛ̈nydït ee kɔc kuanynyïïn kony ë nuanden yic, ku tɔ dhiënken tɔ kɛɛr abïk ciët ɣɔ̈k.

Diɛt 24:2

Acï yïk piny ë pïïu nïïm, ku tɛ̈ɛ̈u këërkëërde në abäpdit thäär.

Diɛt 75:3

Cakaa nɔn lɛthë këriëëc pïïr ëbɛ̈n, ku nieŋë piny guöpde, Yɛn bï këërkëërde muk aril.

Diɛt 75:4

Yɛn bï kɔc ee karɛc looi yɔ̈ɔ̈k cïkï röt bï leec,

Diɛt 75:7

Ee Nhialic Yen ee Bɛ̈ny de luk, abï kɔ̈k mac, ku lony kɔ̈k.

Wɛ̈ɛ̈t 4:14

Yen ee dhuŋë, cakaa yen ë lony aloocic lee ë thööc nɔm, ku nɔn ë dhiëth wunden ke kuanynyin.

Yith 22:23

Abä piäät piny aril cït man ë loc, ku abï aa awaŋ de dhuëëŋ tëde baaide ëbɛ̈n.

Danyel 2:48

Ago Danyel gäm bäänydïït agök, ku gëm miɔ̈c lɔyum, ku tɔ ye bɛ̈ny de paan de Babilon, ku tɔ ye bɛ̈ny nu në röör pelnïïm ke melik nïïm.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 6:3

Ku ee kaamë yic Danyel acï tïc ke lëu luɔɔi apiɛth awär kɔc lui në yen ayï bäny ke wuöt kɔ̈k. Në baŋ ŋic en luɔi aläl, acï melik guiir nɔn bï yen en tääu në bääny ë ciɛɛŋde nɔm ëbɛ̈n.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”

1 Tham 15:17

Ago Thamwɛl lueel an, “Cakaa wään yïn rɔt tɔ cïn naamdu, kɛ̈në bɛ̈n aa bɛ̈ny de dhiëën ke Yithriɛl? Bɛ̈nydït acï yïn dɔm ke yï ye melik de Yithriɛl.