1 Tham 2:2 - JAM DE NHIALIC 2011

² “Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,

1 Tham 2:2 Iomraidhean Croise

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

2 Tham 22:32

Bɛ̈nydït Yetök En ee Nhialic, ku Nhialic Yetök Yen ee wo gël.

2 Tham 7:22

Yïn adït, Bɛ̈nydït Nhialic! Acïn raan däŋ cït yïn, kë ŋicku wodhie, acïn Nhialic däŋ ee yïn yïtök!

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 18:31

Bɛ̈nydït Yetök yen aye Nhialic, Ee yen Yetök yen aye wo kony.

Diɛt 71:19

Piathëpiɔ̈ndu Nhialic, ee ɣet nhial. Yïn cï kadït looi, acïn raan töŋ cït Yïn.

Diɛt 71:3

Tɔ rɔt ee kuurdiën de luäk, ku gëlgël ril. Yïn ee gëlgëldï ku konydï.

Diɛt 73:25

Eeŋö däŋ pei nu tëde yɛn paannhial, cie Yïn? Ku acïn këdäŋ pei duɛ̈ɛ̈r bɛ kɔɔr në pinynɔm, të cïn Yïn.

Diɛt 86:8

Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Diɛt 99:3

Raan ëbɛ̈n abï dït de rinke bäänyde leec. Yen aɣeric!

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Diɛt 99:9

Pianykï Bɛ̈nydït Nhialinyda, ku yak lam në kuurdɛn ɣeric nɔm! Bɛ̈nydït Nhialinyda aɣeric.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Lebai 11:44

Ee yɛn Bɛ̈nydït Nhialicdun. Takï weyiic ɣer në biäkdï, në luɔi ɣɛɛr Ɛn yic. Duökï röt tɔ rac në biäk de lɛ̈n töŋ ee mol piny.

Lebai 11:45

Ee yɛn Bɛ̈nydït Raan ë bïï week bei paan ë Rip, ke ya bï aa Nhialicdun. Wek bï yiic dhil ɣɛɛr në luɔi ɣɛɛr Ɛn yic.

Lebai 19:2

an, “Jäämë akutnɔm de kɔc ke Yithriɛl, ku lɛ̈kë keek: an, ‘Yak piɔ̈ɔ̈th ɣɛɛr në luɔi ɣɛɛr Ɛn piɔ̈u, Yɛn Bɛ̈nydït Nhialicdun.’

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Romai 4:8

Thieithieei në raan cïï Bɛ̈nydït bï yiëk yeth kërac.”

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 32:20

Ku lueel, an, Acä keek bï bɛ kony, ku ja daai në kë bï tuöl tëde keek, kek kɔc rilnïïm ku cïnkï piɔ̈ɔ̈th.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

1 Pet 1:16

Luɔi cï e gɔ̈ɔ̈r an, “Yak yiic ɣɛɛr në luɔi ɣɛɛr ɛn yic.”