1 Tham 15:3 - JAM DE NHIALIC 2011

³ Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 15:3 Iomraidhean Croise

Cäk 36:12

Timena aaye tiiŋ mɔ̈th de Elipadh, wën ë Ethau, go Elipadh dhiëth Amalek. Kek mïth baai ke Ada thok ka, tiiŋ ë Ethau.

2 Tham 1:8

Go Thaulo ya thiëëc an, “Ee yïn ŋa?” Aguɔ puk nɔm en an, “Ee yɛn raan de Amalek.”

Bɛ̈n 17:14

Go Bɛ̈nydït lɛ̈k Mothe an, “Gäär ë tiëmë, ke bï ya tak. lɛ̈kë Jocua an Yɛn bï kɔc ke Amalek jɔ riɔ̈ɔ̈k ëtaiwei.”

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Kuɛ̈n 24:20

Ku në nyuuthic, Balaam acï kɔc ke Amalek tïŋ ayadäŋ, go lueel an, “Kɔc ke Amalek aake ye wundïït ril në juöör ëbɛ̈n, ku ënɔɔnë, abï nyin riäär taitai.

Kuɛ̈n 31:17

Ka ënɔɔnë, näkkï mɛwä ëbɛ̈n, ku tiiŋ cï kɔn yök ke moc ëbɛ̈n,

Jocua 10:39

Ku peckï wut, ayï melikde, ayï wuöt thiääk në yen kedhie. Acïk wut bɛ̈n riɔ̈ɔ̈k taitai, ku näkkï kɔc nu thïn kedhie abïï ciɛ̈n tök. Jocua ë Debir kekë melikde bɛ̈n luöi kë wään kɔn luöi Ɣebron kekë libna në meliiken.

1 Tham 14:48

Ago thɔ̈ɔ̈r aläl kekë kɔc ke Amalek ku tiɛɛm keek ku luɛ̈k Yithriɛl në kɔc ee yen yɔŋ cin.

1 Tham 15:18

Ku tooc yïn bä luɔɔide lɔ looi, lueel, an, lɔ näk kɔc rackë, riɔ̈ɔ̈k kɔc ke Amalek taitai, luöiyë keek tɔŋ, agut të bï yïn keek nɔ̈k kedhie.

1 Tham 15:9

Ku Thaulo kekë kɔcke acïk Agak bɛ̈n pɔ̈l, ku akënkï thök piɛth ayï ɣɔ̈k piɛth nɔ̈k, ayï daau piɛth, ayï amɛ̈l piɛth, kekë këriëëc piɛth ëbɛ̈n, ku riäkkï këriëëc cïn naamde ëbɛ̈n.

1 Tham 22:19

Go thaulo kɔc ke Nop, wun de bäny ke kake Nhialic tɔ näk ayadäŋ, ku tɔ röör ku diäär ku mïthdït ku mïthkor, ku ɣɔ̈k, ku thɔ̈k, ku mul näk kedhie.

1 Tham 27:9

Aa ye röör ku diäär nɔ̈k ku nööm thök, ku ɣɔ̈k, ku mul, ku thɔ̈rɔ̈ɔ̈l, ayï lupɔɔ. Na lë ke puk yenɔm Acic,

1 Tham 30:17

Na ɣɔn amiäk adurduur ke Debid ë loi tɔŋ ke keek aɣët cï ɣɔn thëën. Ale döŋ ke ye bot kaŋuan ke dhuök cï thɔ̈rɔ̈ɔ̈l guiëk kɔ̈ɔ̈th ku jiëlkï, acïn raan töŋ cï ban ë keyiic.