1 Tham 1:10 - JAM DE NHIALIC 2011

¹⁰ Ɣana aa cïï piɔ̈u jiɛth aläl ku lɛ̈ŋ Bɛ̈nydït ke dhiau në jiɛthëpiɔ̈u.

1 Tham 1:10 Iomraidhean Croise

Cäk 30:1

Na ɣɔn, alɔ Racel rɔt yök ke cïn mɛnhdɛn cï dhiëth Jakop, ke til nyankënë, ku lëk Jakop an, “Gämë yɛn mïth, na cie yen, ka aŋuɛ̈ɛ̈n ë luɔi bän thou.”

Cäk 50:10

Na wën, alek ɣet të ye käŋ kɔ̈ɔ̈m, në wun cɔl Atat, nu në Jordan baŋ të lɔ aköl amiäk, ke ke dhiau arëët ëtɛ̈ɛ̈n. Nömkï të dït ke ke dhiau. Ago Jothep wun tɔ dhiëëuwë në nïn kadhorou.

2 Tham 13:36

Na wën cï kënë lueel, ke wɛ̈ɛ̈t ke Debid ë ke jɔ guɔ ɣëët, agokï dhiëëu gɔl, go Debid kekë bänyke kedhie dhiau arëët aya.

2 Tham 17:8

Yïn ŋic wuur kekë remdɛn ë tɔŋ ayek kɔc ŋic tɔŋ thɔ̈ɔ̈r, ku ayek jööt cït ŋun ë köörayuääl cï rum ë mïthke. Ku wuur ee raan cï wëët ë tɔɔŋ yiic, acie niin wäkɔ̈u kekë remdɛn ë tɔŋ ëtök.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Jop 10:1

Pïïrdï acä maan, yɛn bï jam në kɛc de piɔ̈ndï, në nɔm lääu yɛn bï rɔt gɔ̈ɔ̈ny bei.

Jop 7:11

Ku në biäkdï, yɛn cïï yathok bï bɛ muk, yɛn bï jam në dhiën ë piɔ̈ndï, ku në tuöc de yɛn piɔ̈u abï yɛn tɔ gööny.

Jop 9:18

Acakaa kaam thiin ë wëi acie päl ɛn, ka pïïrdï kën kɛc?

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Kɛ̈ŋ 14:10

Miɛt ë piɔ̈u ku nɔn yen jiɛth ë piɔ̈u de raan acie rɔm.

Yith 38:15

Eeŋö duɛ̈ɛ̈r lueel? Ee Bɛ̈nydït Yen ë loi ee kënë. Yɛn tuc piɔ̈u, ku yɛn cie niin.

Yith 54:6

Yithriɛl yïn cït tiiŋ ë piacë thiaak, tiiŋ cïï monyde nyääŋ piny ku cï piɔ̈u jiɛth arëët. Ku Bɛ̈nydït acï yï caal ciëën bä ku lueel an:

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 22:10

Kɔc ke Juda duökï melik Jothia dhiëëu, ku duökï dhiau në thonde yic. Dhiaukï aläl në biäk ë wënde Jowaɣadh, acï keek jat wei, ku acïkï röt bï bɛ puk, acïkï piny ë dhiëëthë ke bï bɛ tïŋ.

Dhiëëu 3:15

Acïk a gäm nuan tuc thok ke ee këcam kekë pïïu.

Luk 22:44

Na wën, aacï piɔ̈u jiɛth arëët, ke jɔ lɔ̈ŋ arëët awär man awën: arëk abï tunyde aa thuat cït man ë rim dït kɔ̈ɔ̈th ke ke lööny piny.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

Bäny 21:2

Na ɣɔn ke kɔc ke Yithriɛl ë ke lɔ ë Nhialic nɔm ë Bethel, lek Nhialic lɔ̈ŋ ë ke cï ke röt jat nhial ke ke dhiau në dhiëndït, agut cï thëën an:

Ruuth 1:20

Go Nawomi lɛ̈k keek an, “Duökï ya ee bɛ cɔɔl an Nawomi, yak ɛn cɔɔl an Mara, në luɔi cïï Nhialic Awärjäŋ pïïrdï raac.

1 Tham 1:11

Ku kuëëŋ mël ku lueel an, “Bɛ̈nydït de rɛm, tïŋ ɛn yɛn lïmdu! Tïŋ ee nuandïït cï ya yökë, ku tak ɛn! Du nɔm mär në yɛn! Gämë ya mɛwä, ku të le yïn e gäm ɛn, abä gäm Bɛ̈nydït bï aa këde në pïïrde yic ëbɛ̈n, ku acï bï kɔn muut nɔm anande.”

1 Tham 1:9

Na wën aa cïk thök ë cäm ku thökkï ë dëk në Cilo, ke Ɣana ë jɔt rɔt. Ku Eli bɛ̈ny de kake Nhialic aa rɛ̈ɛ̈r ë thööc nɔm, thööc nu Luaŋdïït de Bɛ̈nydït thok.