1 Mel 2:3 - JAM DE NHIALIC 2011

³ ku ye löŋ ë Bɛ̈nydït Nhialicdu döt, ku ye cath në kuɛɛrke yiic kedhie. Ye cök ke lööŋ kedhie döt, kakɛn lueel cït man cï ye gɔ̈ɔ̈r në löŋ ë Mothe yic ke yï bï athiɛɛi yök në këriëëc loi yic ëbɛ̈n, ku ɣään ee yïn ke lɔ thïn ëbɛ̈n.

1 Mel 2:3 Iomraidhean Croise

2 Tham 8:14

Go pɛɛny ke rem de tɔŋ looi ë Edom yic ëbɛ̈n, ku tɔ kɔc ke Edom ee lïïmke ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

2 Tham 8:6

Na wën ke Debid ë loi pɛɛny ke rem de tɔŋ ë Damathko, piny de kɔc ke Aram. Gokï aa lïïm ke Debid, ku tɔ keek tɔ kut athölbö ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

1 Lëk 29:19

Gämë wëndiën Tholomon piɔ̈n adöt bïï yen lööŋ cï lueel ëbɛ̈n aa riëëu, ku bïï Luaŋdït cän kake guiirë yïk.”

Diɛt 119:111

Lööŋku ayek kake pïïrdï aɣet athɛɛr, kek aye miɛtëpiɔ̈ndï.

Diɛt 119:138

Lööŋ cï keek gam ayek kake piathëpiɔ̈u ku kake piɔ̈n adöt kedhie.

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Lebai 8:35

Yïn bï dhil rëër në Paany de mätic, aköl ku wakɔ̈u, në nïn kadhorou yiic. Na cïï ka cïï Bɛ̈nydït keek lueel rïïu, ke yïn bï dhil thou, ee Bɛ̈nydït yen ë gëm Yɛn ee lööŋkë.”

Malakai 4:4

Takkï wenïïm në lööŋkï, lööŋ ɣɔn gäm awundiën Mothe në kuur ë Thinai, në biäk bïï kɔc ke Yithriɛl ke riëëu kedhie.

Nyöŋ 29:8

ku nömkï pinyden ku tëku dhiëën ke yï: Ruben, ku Gad, ku biäk de dhiën de Manatha.

Nyöŋ 29:9

Riëëukï cök ke ë löŋ cï macë kedhie në piɔ̈n adöt, aguɔkï tiam në këriëëc yak looi yic ëbɛ̈n.

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 4:8

Acïn jur däŋ cakaa yen ë dït, jur de nɔm lööŋ cït lööŋ cän week wɛ̈ɛ̈t ee köölë.

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Jocua 22:5

Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

Jocua 23:6

“Ka week kiɛmkï wenïïm piny, ku dɔ̈tkï këriëëc cï gɔ̈ɔ̈r në awerek de lööŋ de Mothe yic ëbɛ̈n, ku yak kë lueel looi.

1 Tham 18:14

Ku Debid aaye tiam në këriëëc ye looi yic ëbɛ̈n, në biäk tɔ̈u ë Bɛ̈nydït ke yen.

1 Tham 18:30

Na wën ke wɛ̈ɛ̈t meliik ke Pilithiin ke ke bïï tɔŋ, Ku në ee tɔɔŋkë yiic ëbɛ̈n, Debid ë bɛ̈n tiam awär kɔc kɔ̈k lui në Thaulo kedhie, ago rin ke Debid bɛ̈n tïc në baai yic ëbɛ̈n.

1 Tham 18:5

Ku Debid aaye tiam në tɔɔŋiic kedhie, tɔɔŋ cïï Thaulo ye tuɔɔc thïn. Na wään, ke tɔ ye bɛ̈ny ë rem de tɔŋ, go kɔc piɔ̈ɔ̈th miɛt ëbɛ̈n alɔ gut bäny ke tɔŋ de Thaulo.