1 Mel 1:2 - JAM DE NHIALIC 2011

² Go bänyke lɛ̈k en an, “Yïn buk kɔ̈ɔ̈r nyan dhueny läk bï yïn aa tiit, abï aa tɔ̈c ë yïlɔ̈ɔ̈m ke bï yï aa tɔ tuc guöp.”

1 Mel 1:2 Iomraidhean Croise

Cäk 16:5

Ago Tharai lɛ̈k Abram an, “Kë yɔŋë Ɣajer ɛn acath ke yïn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”

2 Tham 12:3

Ku raan kuanynyin acïn nɔm käŋ ee ŋun töŋ de amääl ë ɣɔɔc yetök. Go muk, ku jɔ dït baaide kekë mïthke. Ku aa ye cääm në biäk de këcamde, ku tɔ dëk në abïnyde ku ye boom në yeɣäm. Amääl aa cït nyande tëde yen.

1 Mel 1:1

Melik Debid aacï dhiɔp, cakaa të kum ë lïïmke yen në lupɔɔ juëc, acïï guöp ee tuöc.

1 Mel 1:3

Gokï paan ë Yithriɛl jɔ kɔɔric ëbɛ̈n në nyan läk, agokï Abicag yök, nyan wun ë Cunem ku bïïkï yïnkï melik.

2 Lëk 29:11

Mïthkï duökï be gääu. Ee wek cïï Bɛ̈nydït ke lɔc bäk wal ŋïr aa nyuöp en, ku bäk kɔc aa wat të lɔ̈ŋ kek en.”

Ethta 2:2

Go kɔc ee Melik luööi lɛ̈k en an, “Eeŋö cïï dhueec läk löc Melik në wuötiic, dhueec kën kɔn yök ë röör?

Wɛ̈ɛ̈t 4:11

Ku na tɔ̈c kɔc kaarou tëtök, ayek gup mɔɔr, ku duëër raan tök guöp mɔɔr adï?

Maika 7:5

Du kë lueel ë raan rɛ̈ɛ̈r wek ee bɛ gam, ku du mɔ̈th ee bɛ ŋɔ̈ɔ̈th. Ayï tiiŋduön man nin në yïyɔu, ye yïliep tiit në yen.

Nyöŋ 10:8

Ku në kuur nɔm Bɛ̈nydït acï röör ke Lebai bɛ̈n lɔc bïk athänduŋ de män ë Bɛ̈nydït aa muk, ku bïk lui ke ke ye bäny ke kakë Nhialic, ku bïk athiɛɛi aa lueel në rinke. Ku kakë aŋootkï ke ke ye luɔiden.

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.