1 Jɔn 5:9 - JAM DE NHIALIC 2011

⁹ Të ye wok kë lueel kɔc gam kɔc cï aa cäätɔɔ, ke kë lueel Nhialic yen adït ë kë lueel kɔc: ku kënë ee kë lueel Nhialic, ɣɔn cï en aa cäätɔ në këde Wënde.

1 Jɔn 5:9 Iomraidhean Croise

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Luɔi 5:32

Ku wok ee cäätɔɔ në kakë, ayï Wëidït ɣer aya, Wëi cï Nhialic gäm kɔc ë kake piŋ.”

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Jɔn 5:10

Raan gam Wën ë Nhialic ke jam lueel cäätɔɔ acath kekë yen: raan reec Nhialic gam ka ye Nhialic tɔ ye alueeth, luɔi ë reec en jam lueel Nhialic në këde Wënde.

1 Jɔn 5:8

Ku cäätɔɔ anukï kadiäk ë piny nɔm, Wëidït, ku pïïu, ku riɛm: ku diëŋkë amɛ̈tkï ëtök.