1 Jɔn 5:10 - JAM DE NHIALIC 2011

¹⁰ Raan gam Wën ë Nhialic ke jam lueel cäätɔɔ acath kekë yen: raan reec Nhialic gam ka ye Nhialic tɔ ye alueeth, luɔi ë reec en jam lueel Nhialic në këde Wënde.

1 Jɔn 5:10 Iomraidhean Croise

Jop 24:25

Ku na kɛ̈n yic lueel, ke we nyuth a luenhdï?

Diɛt 25:14

Bɛ̈nydït ee määth kekë kɔc ee ye riëëu guöp ku kek aye ke nyuöth mände.

Kɛ̈ŋ 3:32

në luɔi mɛɛn ë Bɛ̈nydït kɔc ee karɛc looi, ku ade aŋäth kekë kɔc piɛthpiɔ̈ɔ̈th.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Jeremia 15:18

Eeŋö jan tɔ̈u ë nuanic? Eeŋö cïï kënë tëtöökkï waar? Eeŋö kën kek dem? Kɔɔr bä ya tɔ jeth piɔ̈u cï nyin ee dëu mɔ̈i?”

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 3:18

Raan gam en acïn gääk nu ë yeyeth: ku raan reec gäm, ë guɔ yiëk yeth gääk ënɔɔnë, luɔi reec en gäm në rin ke Wën ë Nhialic, wën cï dhiëëth etök.

Jɔn 3:33

Raan ë këde gam, acï gɔ̈ɔ̈r ë katimde an, Nhialic yen aye yic.

Jɔn 5:38

ku jamde acie tɔ̈u ë weyiic: luɔi cä wek raan ee gam, raan ë tooc.

Luɔi 8:37

Go Pilip lueel an, “Të gam yïn ë yïpiɔ̈u ëbɛ̈n, ke yïn duëërë baptith.” Go bɛ̈ɛ̈r an, “Yɛn gam Yecu Kërtho nɔn ee yen Wën ë Nhialic.”

Romai 8:16

Wëidït gup kek aye jam në piɔ̈ɔ̈thkuɔ ëtök, alëkkï wook nɔn ee wok mïth ke Nhialic.

Galatai 4:1

Ku aluɛɛl ënɔɔnë an, “Raan bï ka ke wun lɔ̈ɔ̈k lak, të ŋoot en ke ye meth, ka cïn pɔ̈k bï ye pääk kekë lïm, acakaa yen ë ye bɛ̈ny nu ë käŋ nïïm kedhie,

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Kolothai 3:3

Wek cï thou, dï, ku pïïrdun acï thiaan kekë Kërtho ë Nhialicic.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

1 Jɔn 1:10

Na luelku yen, an, cïn kërɛɛc cuk looi, ka cuk tɔ ye alueeth, ku jamde aliu tëde wook.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

Nyuuth 12:17

Go ŋuäl gɔ̈th ke tik, ku jɔ jäl le tɔŋ yiɛ̈n mïthkɛn cï döŋ, kɔc ee lööŋ ke Nhialic döt, ku ciɛthkï në gäm de Yecu Kërtho.

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.

Nyuuth 2:28

ku abä gäm ciëër ë runëpiny.