1 Jɔn 4:9 - JAM DE NHIALIC 2011

⁹ Ëcöökë yen aa le nhiëër ë Nhialic dhek tëde wook, tuöc cï Nhialic Wëndɛn töŋ cï dhiëëth tuööc ë piny nɔm, luɔi bï wo pïïr në yen.

1 Jɔn 4:9 Iomraidhean Croise

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

Diɛt 2:7

Ku lueel ë melik an, “Yɛn bï kë cïï Bɛ̈nydït lueel aa caal, acï lɛ̈k ɛn an, ‘Yïn ee wëndï, ku ee köölë Yɛn cï aa Wuur.

Mak 12:6

Na wën, nɔn ŋoot en ke cath ke wëndɛn tök, wën nhiɛɛr, ke jɔ tuöc keek ë kɔc cök ciëën, aa lueel an, ‘Abïk wëndï riëëu.’

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 10:10

Cuɛ̈ɛ̈r acïn däŋ ee bïï yen, ee kuël etök, ku nääk, ku riääk de käŋ: yɛn aa bɔ̈ luɔi bï kek dɛ pïïr, abïk kuɛth ë ye.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 3:18

Raan gam en acïn gääk nu ë yeyeth: ku raan reec gäm, ë guɔ yiëk yeth gääk ënɔɔnë, luɔi reec en gäm në rin ke Wën ë Nhialic, wën cï dhiëëth etök.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 6:29

Go Yecu bɛ̈ɛ̈r an, “Luɔi de Nhialic kï an, gëm gam wek raan cï tooc.”

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Jɔn 6:57

Acït Wääda, Raan pïïr, acït man cï en a tooc, ku ya pïïr në Wääda, yen acït pïïr ee raan ë ya cam pïïr ë yen aya.

Jɔn 8:29

Ku raan ë toc ɛn, yen arëër wok ëtök, Wäär akën a nyääŋ piny atök, luɔi aa yɛn cool ë loi kamit në yepiɔ̈u.”

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Jɔn 9:3

Go Yecu bɛ̈ɛ̈r an, “Acie raanë yen ë loi kërac, ku cie wun ayï man: ee tïc bï luɔi ë Nhialic tïc ë yeguöp.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Ɣeberuu 1:5

Acïn tunynhial töŋ cïï Nhialic kɔn yɔ̈ɔ̈k an, “Yïn ee Wëndï, ee köölë Yɛn cï ya Wuur.” Ku akën kɔn lueel aya an, “Yɛn bï ya Wun, Ku Yen abï ya Wëndï.”

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.

1 Jɔn 5:11

Jam lueel cäätɔ kï: an, Nhialic acï wo gäm pïïr athɛɛr, ku pïïrë anu ë Wëndeyic.

1 Jɔn 5:13

Kakë acä ke gäär week, ke bäk ŋic nɔn cath wek në pïïr athɛɛr, wek kɔc cï rin ke Wën ë Nhialic gam.