1 Jɔn 4:7 - JAM DE NHIALIC 2011

⁷ Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

1 Jɔn 4:7 Iomraidhean Croise

Jɔn 13:34

Wek thɔ̈n cöök cï piac lueel an, Nhiaarkï röt, acït man cän week nhiaar, ke we bï röt nhiaar wapäc ayadäŋ.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

1 Kor 8:3

Ku të nhiɛɛrë raan Nhialic, yen aye ŋic ë ye.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Galatai 4:9

Ku ënɔɔnë, nɔn cä wek Nhialic ŋic, ku aŋuän luɔi lueel wok en an, we cïï Nhialic ŋic, eeŋö bɛ wek röt pɔ̈k ka cïn naamden, ka cïn riɛl ku kuanykï nyïïn, ku dɛkï piɔ̈ɔ̈th luɔi bä wek röt bɛ tɔ ye lïïmken raanrou?

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Jɔn 2:10

Raan nhiaar mɛnhkënë, ka rɛ̈ɛ̈r tëɣer, ku acïn kë cath ke ye kë bï ye tɔ kɔ̈th.

1 Jɔn 2:29

Të ŋiɛc wek en nɔn piɛth en piɔ̈u, ka ŋiɛckï aya nɔn ee yen ë dhiëth raan ëbɛ̈n raan ë këde piathëpiɔ̈u looi.

1 Jɔn 2:3

Ku dön ee wo lööŋke döt, en aŋic wok en nɔn cï wok e ŋic.

1 Jɔn 2:4

Raan luel en, an, ŋic, ku cïï lööŋke ee döt, ka ye alueeth, ku yic aliu tëde yen:

1 Jɔn 2:7

We kɔc nhiaar, acïn löŋ cï piac cak löŋ gäär week, ee löŋ thɛɛr löŋ ë cath ke week ɣɔn gɔlë jam: löŋ thɛɛr en aye jam cäk piŋ ɣɔn thɛɛr gɔlë jam.

1 Jɔn 3:9

Raan cï dhiëëth ë Nhialic acïï kërac ee looi, luɔi tɔ̈uwë käu de wun ë yeyic: ku acïï kërac duëër aa looi, në dhiënh cï Nhialic e dhiëëth.

1 Jɔn 4:11

Wek kɔc nhiaar, të cï Nhialic wo nhiaar ë nhiëër cït ee kënë, ke wo duëër röt dhil nhiaar aya.

1 Jɔn 4:12

Acïn raan cï Nhialic kɔn tïŋ anande: të nhiɛɛr wok röt, ke Nhialic arɛ̈ɛ̈r ë woyiic, go nhiëërde tɔ ye dikëdik ë woyiic:

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?

1 Jɔn 4:8

Raan cïï cath ke nhiëër ka kuc Nhialic, Nhialic yen aye nhiëër.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

2 Jɔn 1:5

Ku yïn läŋ ënɔɔnë, yïn tiiŋdït, ku yïn cïï cït kë gäär löŋ cï piac bɛ̈ɛ̈i, ee löŋ ɣɔn cath ke wook të ɣɔn gɔlë jam, yen gäär, an, buk röt aa nhiaar.