1 Jɔn 4:4 - JAM DE NHIALIC 2011

⁴ Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

1 Jɔn 4:4 Iomraidhean Croise

Jɔn 12:31

Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë.

Jɔn 14:30

Ëlë, yɛn cïï bï bɛ jam wo week arëët: bɛ̈ny ceŋ pinyë nɔm abɔ̈, ku acïn këdɛn nu tëde yɛn,

Jɔn 16:11

në këde guiëërëlöŋ, luɔi cï löŋ de bɛ̈ny ceŋ pinyë nɔm thök ë guiëër.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Romai 8:37

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

1 Kor 6:13

Këcam ee këde yäc, ku yäc ee këde këcam, ku abï Nhialic keek riɔ̈ɔ̈k kedhie. Ku guöp de raan acie këde dhööm, ee këde Bɛ̈nydït, ku Bɛ̈nydït ee këde raan guöp.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.

1 Jɔn 2:13

Wek gäär, wek wärken ë mïth, luɔi cä wek Raan ŋic Raan ë nu të ɣɔn gɔlë käŋ. Wek gäär, wek dhuök, ë luɔi cä wek raan rɛɛcë tiaam. Acä gäär week, wek mïththiaakäŋ, ë luɔi ŋiɛc wek Wääda.

1 Jɔn 3:20

Të de en ke jiëënyë piɔ̈ɔ̈thkuɔ wook, luɔi dïïtë Nhialic awär piɔ̈ɔ̈thkuɔ, ku aŋic käŋ kedhie.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

1 Jɔn 4:13

Ŋïny ŋic wok en nɔn rëër wok ë yeyic, ku nɔn rëër en ë woyiic, kï, miɔ̈c cï en wo miɔɔc në Wëike.

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

1 Jɔn 5:4

Ku kë cï dhiëëth ë Nhialic ëbɛ̈n ee ka ke piny nɔm tiaam: ku gämda yen ee tiëm ee ka ke piny nɔm tiaam.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.