1 Jɔn 4:2 - JAM DE NHIALIC 2011

² Ŋïny ŋiɛc wek Wëidït ke Nhialic kï: an, wëi ëbɛ̈n wëi ee gam nɔn cï Yecu Kërtho bɛ̈n ke ye raan guöp, ka ye kë bɔ̈ tëde Nhialic.

1 Jɔn 4:2 Iomraidhean Croise

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Jɔn 1:2

Ku pïïr acï tïc ëgɔk, ka cuk tïŋ, ku yök cäätɔɔ në këde, agoku week aa guiëër pïïr athɛɛrë, pïïr ë nu ke Wääda, ku cï nyuöth wook.

1 Jɔn 2:23

Raan ëbɛ̈n raan jai ë Wënde, ka Wääda acïï cath ke yen aya: ku raan gam Wënde, ka cath ke Wääda aya.

1 Jɔn 4:15

Të de en raan luel gämde, an, Yecu yen aye Wën ë Nhialic, ke Nhialic arɛ̈ɛ̈r ë yeyic, ku rëër ë Nhialicic.

1 Jɔn 4:3

Ku wëi ëbɛ̈n wëi cïï Yecu Kërtho gam, ka ye kë cïï bɔ̈ tëde Nhialic: wëi ke raan man Kërtho ka, raan cä we këde piŋ nɔn bï en bɛ̈n, ku ye kï ë guɔ nu ë piny nɔm.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

2 Jɔn 1:7

Kɔc juëc ee kɔc math acïk bɛ̈n cath ë piny nɔm, kɔc reec Yecu Kërtho gam nɔn ë bïï yen ke ye raan guöp. Raan ee kɔc math kï, ku ye raan man Kërtho.