1 Jɔn 4:18 - JAM DE NHIALIC 2011

¹⁸ Riɔ̈ɔ̈c aliu ë nhiëëric: ku nhiëër cï dikëdik ee riɔ̈ɔ̈c ciɛɛc wei, në luɔi ee riɔ̈ɔ̈c raan cuil guöp, ku raan ee riɔ̈ɔ̈c aŋoot ke kënë tɔ ye dikëdik ë nhiëëric.

1 Jɔn 4:18 Iomraidhean Croise

Jop 15:21

Kiɛɛu de riɔ̈ɔ̈c acie jäl në yeyïc, të ciɛk en rɔt yök ke tɔ̈u ë mätic, aye cuɛ̈ɛ̈r ee kɔc rum mak.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 73:19

Abï keek guɔ riɔ̈ɔ̈k ëthiäu, ku lekkï piny tëde kɔc cï thou.

Math 9:34

Acï Parithai lueel tei an, “Aye jɔɔk rac ciëëc bei në riɛl ë bɛ̈nydït ë jɔɔk rac.”

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Jakop 2:19

Acï gam nɔn ee Nhialic tök tei, acï tiiŋ nɔm! Acï jɔɔk rac gam ayadäŋ, ku lɛthëke.

1 Jɔn 4:12

Acïn raan cï Nhialic kɔn tïŋ anande: të nhiɛɛr wok röt, ke Nhialic arɛ̈ɛ̈r ë woyiic, go nhiëërde tɔ ye dikëdik ë woyiic: