1 Jɔn 4:16 - JAM DE NHIALIC 2011

¹⁶ Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.

1 Jɔn 4:16 Iomraidhean Croise

Diɛt 31:19

Piathdu adït, piathduön cï täu kɔc ee yïn riëëu! Ku cï gäm kɔc ee yïn ŋɔ̈ɔ̈th, ke bïï kɔc aa tïŋ.

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Jɔn 6:69

Ku acuk gam ku ŋicku nɔn ee yïn Kërtho ɣeric Wën ë Nhialic.”

Jɔn 9:3

Go Yecu bɛ̈ɛ̈r an, “Acie raanë yen ë loi kërac, ku cie wun ayï man: ee tïc bï luɔi ë Nhialic tïc ë yeguöp.

1 Kor 2:9

Ku acït man cï e gɔ̈ɔ̈r an: “Akënë ke tïŋ ë raan nyin, ku akënë ke piŋ ë raan yïc, ku akënkï lɔ ë raan piɔ̈u, Kek ka cïï Nhialic guik në këde kɔc nhiaar en.”

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.