1 Jɔn 4:15 - JAM DE NHIALIC 2011

¹⁵ Të de en raan luel gämde, an, Yecu yen aye Wën ë Nhialic, ke Nhialic arɛ̈ɛ̈r ë yeyic, ku rëër ë Nhialicic.

1 Jɔn 4:15 Iomraidhean Croise

Math 10:32

Yen tëde ka, raan ëbɛ̈n raan bï a gam ë kɔc nïïm, yen abä gam ayadäŋ ë wäär nɔm wäär nu paannhial.

Luk 12:8

“Wek yɔ̈ɔ̈k aya an, Raan ëbɛ̈n raan ee ya gam ë kɔc nïïm, yen abïï Wën ë Raan gam aya ë tuuc ke Nhialic nïïm.

Jɔn 6:56

Raan ee rïïŋdï cuet, ku dek riɛmdï, ka ye rëër ë yayic, ku rɛ̈ɛ̈r ë yeyic.

Luɔi 8:37

Go Pilip lueel an, “Të gam yïn ë yïpiɔ̈u ëbɛ̈n, ke yïn duëërë baptith.” Go bɛ̈ɛ̈r an, “Yɛn gam Yecu Kërtho nɔn ee yen Wën ë Nhialic.”

Romai 10:9

Të gɛm yïn Bɛ̈nydït Yecu ë yïthok, ku gam ë yïpiɔ̈u, nɔn cï Nhialic e jɔt ë kɔc cï thou yiic, ke yïn bï kony wëi.

Pilipoi 2:11

go liëp ëbɛ̈n Yecu Kërtho gam an, ee Bɛ̈nydït, ke Nhialic Wääda bï dhuëëŋ yök.

1 Jɔn 2:23

Raan ëbɛ̈n raan jai ë Wënde, ka Wääda acïï cath ke yen aya: ku raan gam Wënde, ka cath ke Wääda aya.

1 Jɔn 2:24

Ku na week, kë cäk kɔn piŋ të ɣɔn gɔlë jam, takï tɔ̈u ë weyiic. Na tɔ̈u kë cäk kɔn piŋ të ɣɔn gɔlë jam, na tɔ̈u ë weyiic, ke we bï tɔ̈u ë Wëndeyic, ku täukï ë Wäädayic aya.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

1 Jɔn 4:12

Acïn raan cï Nhialic kɔn tïŋ anande: të nhiɛɛr wok röt, ke Nhialic arɛ̈ɛ̈r ë woyiic, go nhiëërde tɔ ye dikëdik ë woyiic:

1 Jɔn 4:2

Ŋïny ŋiɛc wek Wëidït ke Nhialic kï: an, wëi ëbɛ̈n wëi ee gam nɔn cï Yecu Kërtho bɛ̈n ke ye raan guöp, ka ye kë bɔ̈ tëde Nhialic.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

1 Jɔn 5:5

Ku eeŋa raan ë piny tiaam? Cie yen raan cï Yecu gam, an, ee Wën ë Nhialic?

2 Jɔn 1:7

Kɔc juëc ee kɔc math acïk bɛ̈n cath ë piny nɔm, kɔc reec Yecu Kërtho gam nɔn ë bïï yen ke ye raan guöp. Raan ee kɔc math kï, ku ye raan man Kërtho.