1 Jɔn 4:10 - JAM DE NHIALIC 2011

¹⁰ Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

1 Jɔn 4:10 Iomraidhean Croise

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Jɔn 13:34

Wek thɔ̈n cöök cï piac lueel an, Nhiaarkï röt, acït man cän week nhiaar, ke we bï röt nhiaar wapäc ayadäŋ.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Ɣeberuu 2:17

Yen kë ë tɔ Yen tɔ cït mïthëkɔcken ka në këriëëcic ëbɛ̈n. Ke bï ya Bɛ̈nydïït ë kake Nhialic ee piɔ̈u adöt ku kook piɔ̈u në luɔi de Nhialic yic. Ke bï kɔc ke wɛ̈ɛ̈r bei në karɛckeniic.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

1 Jɔn 4:19

Nhiëër cï en wo kɔn nhiaar, en a nhiɛɛr wok en.

1 Jɔn 5:11

Jam lueel cäätɔ kï: an, Nhialic acï wo gäm pïïr athɛɛr, ku pïïrë anu ë Wëndeyic.