1 Jɔn 3:11 - JAM DE NHIALIC 2011

¹¹ Ku kënë ee thoŋ cäk piŋ të ɣɔn gɔlë jam an, buk röt aa nhiaar.

1 Jɔn 3:11 Iomraidhean Croise

Jɔn 13:4

Go rɔt jɔt të ë ciëm en, ku bïï alulutde bei, go lupɔ ee coth muk, duut ë yeyic.

Jɔn 15:12

Kënë ee kë thɔ̈n week an: nhiaarkï röt, cït man cän week nhiaar.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

1 Theth 4:9

Ku në këde nhiëër bä wek mïthëkɔckun nhiaar acïn kë duɛ̈ɛ̈r gäär wek, wegup, we cïï Nhialic wɛ̈ɛ̈t an, bäk röt nhiaar wapäc.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

1 Jɔn 1:5

Ku kënë ee thön cuk piŋ tëde yen, ku guïïrku week an, Nhialic ee ɣɛɛrëpiny, ku acïn cuɔl cath ke yen ëtaitai.

1 Jɔn 4:11

Wek kɔc nhiaar, të cï Nhialic wo nhiaar ë nhiëër cït ee kënë, ke wo duëër röt dhil nhiaar aya.

1 Jɔn 4:21

Ku löŋë a yökku tëde yen an, Raan nhiaar Nhialic ke nhiaar mɛnhkënë aya.

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

2 Jɔn 1:5

Ku yïn läŋ ënɔɔnë, yïn tiiŋdït, ku yïn cïï cït kë gäär löŋ cï piac bɛ̈ɛ̈i, ee löŋ ɣɔn cath ke wook të ɣɔn gɔlë jam, yen gäär, an, buk röt aa nhiaar.