1 Jɔn 2:25 - JAM DE NHIALIC 2011

²⁵ Ku kënë ee kë cï kɔn lueel, an, bï gäm wook, yen pïïr athɛɛr.

1 Jɔn 2:25 Iomraidhean Croise

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Luk 18:30

ku cïï kajuëc bï yök ee pinyë nɔm ënɔɔnë, awärkï kakɛn cï pɔ̈l, ku miäk në piny bï bɛ̈n, ke jɔ pïïr athɛɛr yök.”

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Jɔn 12:50

Ku löŋde aŋiɛc nɔn ee yen pïïr athɛɛr: ago ka luɛɛl ënɔɔnë, acït man cï Wäär e lɛ̈k ɛn, yen aa luɛɛl ɛn keek.”

Jɔn 3:15

ke raan gam ɛn cïï bï määr, raan ëbɛ̈n, ku bï dɛ pïïr athɛɛr.

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 6:47

Wek yɔ̈ɔ̈k ëyic: an raan gam ɛn acath ke pïïr athɛɛr.

Jɔn 6:54

Raan ee rïïŋdï cuet, ku dek riɛmdï, ee cath ke pïïr athɛɛr, ku abä jat nhial ëkööl rial wadäŋ.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.

1 Tim 1:16

ku yen aa yɔ̈k ɛn kokdepiɔ̈u, ee luɔi bï Yecu Kërtho guömdɛn cï dikëdik ëbɛ̈n tɔ tiëc ë yaguöp, yɛn ë raan nu tueŋë, ku luɔi bä yɛn aa raan bï kɔc woi ku dɔmkï täudï yic kek kɔc bï këde gam agokï pïïr athɛɛr yök.

1 Tim 6:12

Ye biök ë biök piɛth biök de gäm, ye pïïr athɛɛr muk aril, en aa cɔɔlë yï aya, ku yen aa gëm yïn ë gäm piɛth ë yïthok ee cäätɔɔ juëc nïïm.

1 Tim 6:19

Agokï këdɛn piɛth kueet kë ril thar, kë bï döŋ ëkööl rial, ke ke bï pïïr athɛɛr muk aril, yen pïïr yic.

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Tito 3:7

luɔi bï wo tɔ piɛthpiɔ̈ɔ̈th në dhuëëŋ de yenpiɔ̈u, ago wo tɔ ye kɔc bï käŋ lɔ̈ɔ̈k lak në aŋäth ŋɛ̈ɛ̈th wok pïïr athɛɛr.

1 Jɔn 1:2

Ku pïïr acï tïc ëgɔk, ka cuk tïŋ, ku yök cäätɔɔ në këde, agoku week aa guiëër pïïr athɛɛrë, pïïr ë nu ke Wääda, ku cï nyuöth wook.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Juda 1:21

ku yak röt mɔ̈k ë nhiëër ë Nhialicic, abäk kok de Bɛ̈nydan Yecu Kërtho piɔ̈u aa tiit ayɔ̈k wek pïïr athɛɛr.