1 Jɔn 2:12 - JAM DE NHIALIC 2011

¹² Wek gäär, wek mïththiaakäŋ, ë luɔi cï karɛckun päl week në baŋ de rinke.

1 Jɔn 2:12 Iomraidhean Croise

Diɛt 106:8

Ku acï keek bɛ̈n kony, cït man ë gutguut cï looi, ago ke nyuöth riɛldɛn dït.

Diɛt 25:11

Pälë yɛn awänydï Bɛ̈nydït, në biäk de rinku, në biäk juëc kek.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luk 5:20

Go gämden tïŋ, ku jɔ yɔ̈ɔ̈k an, “Mɛnhë, karɛcku acï ke päl yïn.”

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 13:38

Yen ŋiɛc wek en, wek wäthii an päl ë kërac aguïïrë week në ee raanë.

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

1 Jɔn 1:4

ku kakë kek agäärku, ke wo bï piɔ̈ɔ̈th miɛt abuk piɔ̈ɔ̈th ayum.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.

1 Jɔn 2:7

We kɔc nhiaar, acïn löŋ cï piac cak löŋ gäär week, ee löŋ thɛɛr löŋ ë cath ke week ɣɔn gɔlë jam: löŋ thɛɛr en aye jam cäk piŋ ɣɔn thɛɛr gɔlë jam.