1 Jɔn 2:11 - JAM DE NHIALIC 2011

¹¹ Ku raan man mɛnhkënë, ka tɔ̈u tëcol, ku ciɛth tëcol, ke kuc të le yen thïn, ë luɔi cï cuɔlëpiny ye tɔ cɔɔr.

1 Jɔn 2:11 Iomraidhean Croise

2 Tham 13:22

Ku Abthalom acï Amnon bɛ̈n maan guöp arëët në baŋ cïï yen Tamar nyankënë wiëët, arëk abïï jam puɔ̈l kekë yen.

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Wɛ̈ɛ̈t 2:14

Raan pelnɔm ee daai, ku raan piɔlpiɔ̈u ee cath ë mɔ̈ɔ̈thic.” Ku acä bɛ̈n yök aya, nɔn ye kek thou kedhie.

Lebai 19:17

Du mɛnhkui ee maan guöp në yïpiɔ̈u, ye jɔ̈ɔ̈ny në yic, ago nɔm ciën gääk wekë yen ëtök.

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

2 Kor 3:14

Acïk nïïm riɛl: ku aɣet cï ëköölë lupɔ manë guöp ë döŋ akënë nyaai, të ye awerek kueenic awerek de löŋ cï mac thɛɛr, ku lupɔyë aye nyaai në Kërtho yic.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

2 Pet 1:9

Ku raan cïï cath ke kakë ee cɔɔr, raan cïï tëmec duëër woi, ku acï nɔm määr ë wɛ̈k wään cïï e waak piɔ̈u në karɛckɛn thɛɛr.

1 Jɔn 1:6

Na luelku an, yok abärɔ mat në yen, ku ciɛthku tëcol, ke wo ye lueth töör, ku cuku yic ee looi:

1 Jɔn 2:10

Raan nhiaar mɛnhkënë, ka rɛ̈ɛ̈r tëɣer, ku acïn kë cath ke ye kë bï ye tɔ kɔ̈th.

1 Jɔn 2:9

Raan lueel en, an, tɔ̈u tëɣer, ku mɛɛn mɛnhkënë, ka tɔ̈u tëcol aɣët cï ënɔɔnë.

1 Jɔn 3:15

Raan ëbɛ̈n raan man mɛnhkënë, ka ye raan ee kɔc nɔ̈k: ku aŋicku, an, acïn raan ee kɔc nɔ̈k cath ke pïïr athɛɛr.

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?

Nyuuth 3:17

Në luɛl ee yïn e lueel, Yɛn cï bäny ë käŋ, yɛn cï rɔt kuɛ̈t wëu juëc, ku acïn kë dak ɛn, ku kuc nɔn ŋɔ̈ɔ̈ŋ yïn guöp, ku ye raan rac, ku kuany nyin ku ye cɔɔr ku cïnë kɔ̈u lupɔ.