1 Jɔn 1:5 - JAM DE NHIALIC 2011

⁵ Ku kënë ee thön cuk piŋ tëde yen, ku guïïrku week an, Nhialic ee ɣɛɛrëpiny, ku acïn cuɔl cath ke yen ëtaitai.

1 Jɔn 1:5 Iomraidhean Croise

Diɛt 139:12

acakaa mɔ̈ɔ̈th acie cuɔl tëde yïn, ku wakɔ̈u aɣer cït akɔ̈l. Mɔ̈ɔ̈th ku wakɔ̈u akïtkï tëde yïn.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 36:9

Ee yïn ee wook gäm awaŋ de pïïr, ku ɣɛɛrdu ee wook tɔ mit piɔ̈ɔ̈th në pïïric.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Yith 60:19

“Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Jɔn 1:19

Jam ë lueel Jɔn kï, ɣɔn toocë Judai bäny ke ka ke Nhialic ku Lebii, toockï keek Jeruthalem lek thiëëc an, “Ee yïn ŋa?”

Jɔn 1:4

Yen aa de yic pïïr, ku pïïrë aaye ɣɛɛrëpiny ë kɔc.

Jɔn 1:9

Ɣɛɛrëpiny yic ka, ɣɛɛrëpiny ë raan riaau ëbɛ̈n, raan ëbɛ̈n ë piny nɔm.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Jɔn 9:5

Të ŋuɔɔt ɛn ke ya nu ë piny nɔm, ke yɛn ee ɣɛɛr ë piny nɔm.”

1 Kor 11:23

Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam,

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Jɔn 3:11

Ku kënë ee thoŋ cäk piŋ të ɣɔn gɔlë jam an, buk röt aa nhiaar.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.