MATTHEW 8:8 - DARA GADAIN N.T. with PSA and PRO (BSI)

⁸ Siphaiya rjasi ni hoja thiphin ba, O Gabra, ani noh bising ha ning phai mane ang gathaya dou; grao se ning thi lah, ani ansa ham lang la nang.

MATTHEW 8:8 Iomraidhean Croise

BAKHAN NI RAJABTHAI 10:17

O Gabra, dukhisarao ni khah ni nangjaoma khe khna kha Bonsi khe smai ri, ode bonsi biyaba khe khna lah.

BAKHAN NI RAJABTHAI 107:20

Boni graojma khe haiha hi bonsi khe mathang ba, Mangkhlong ni phrang bonsi khe sogo ba.

BAKHAN NI RAJABTHAI 33:9

Bo grao thi kha ning habsaobo jalang la du Bokhe graothai ri ba, nalai ni khlai hi jalang la kha.

MATTHEW 3:11

Ang nisi khe khah slaima ne dih jang baptisma ri du. Thikhabo, ani yaohon ha phaiginyaba de anthane dedao. Ang boni yaphadap ni wadu khe khru manebo gathaya. Bo nisi khe Bese Gathar jang ar wai jang baptisma ri nang.

MATTHEW 3:14

Thikhabo, Johan thi ba, Ning se angkhe baptisma ri ma nang ma mu, ning se ani ha phai ba na? thi hi bo magna ma bao ba.

MATTHEW 8:3

Jisu yao phlao hi bo khe remhi thi ba, Ang nangjao du dou. Boha ning bo khunthi jayaba ragao lang la kha.

MATTHEW 8:7

Jisu thiphin ba, Ang phaihi bokhe ham ri nang.

MATTHEW 8:9

Ang bo malai ni hukhum ha se dong ba, ani bakhla ha siphaiyarao dong. Saosi subung khe, Ning thang lah, ang thikha de, bo thang la re; malai khebo, phai thihi ang thikha de, bo phai re. Ani leng niha bo, ebo khe dang, thihi ang thikha de, bo dang re, thi hi bo grao thiphin ba.

LUKE 15:19

Nisi basa thihi thijao mane bo ang de gathaya kha; nini ha manao jiyarao ni bisingha saosi lai ning ang khe yaowai lah,’ thi ma.

LUKE 15:21

Bo jarni bupha niha thi ba, ‘Abai, nokhasao ni Madai ni basao ha, ar nini muh ha phap khusi ang dang kha. Nini basa thijao mane ang gathaya kha.’

LUKE 5:8

Bo khe nuhi Simon Peter, Jisuni igah ha blip pha hi boni ha thi ba, Gabra ani phrang thang lah, ang de phaphi se.

JOHN 1:27

Bo ani yaohon ha phaiginyaba se, thikhabo boni yapha ni wadu khe khru manebo ang gathaya.