MATTHEW 8:20 - DARA GADAIN N.T. with PSA and PRO (BSI)

²⁰ Jisu boni ha thiphin ba, Mosrong nibo longkhor dong, daonibo bithip dong; thikhabo Marsi ni Basa ni bokhro deng mani hathan giri.

MATTHEW 8:20 Iomraidhean Croise

BAKHAN NI RAJABTHAI 104:12

Bar ni dao buthu bo dih ni rogong ha bithip slam du Bonsi bondep ha rajab lai du.

BAKHAN NI RAJABTHAI 104:17

Oraha dao buthu bithip slam du Bonthao phang ni basao ha daobungga bithip slam du.

BAKHAN NI RAJABTHAI 109:22

Bede thikhala ang suliya dukhisa se Ani khahbo bising ha bumai nang kha.

BAKHAN NI RAJABTHAI 40:17

Ang suliya subung ode dukhisa khe Gabra wainso du Ning ning ani juruyaba ode sogoyahba se O ani Madai, budu da lao ri si.

BAKHAN NI RAJABTHAI 69:29

Ang de sajao hi dukhu jang dong du O Madai, nini sogoma ang khe dimkhao thing.

BAKHAN NI RAJABTHAI 84:3

Daophersi saosi bo noh mai phu du ode daohadi bo jarni khlai hi bithip mai du. O Raodaothaoyaba Gabra, ani Raja ode ani Madai, Nini daikho hathan ni gabasi ha boni basa naiso-nuso khlaiba mai du.

MATTHEW 12:32

Sere Marsi ni Basa khe sijidu, boni sijima de map mai nang. Thikhabo Bese Gathar khe sijiyaba de thanghi dongba habo, ar phaiginyaba bubli habo map mai nang niya.

MATTHEW 12:40

Jona nokha saintham hortham nahyung ni bohoh bising ha dongba lai, Marsi ni Basa bo nokha saintham hortham hakhor bising ha dong ma.

MATTHEW 12:8

Marsi ni Basa de lenggo basain nibo Gabra se.

MATTHEW 13:37

Jisu thiphin ba, Hamba bumu saiyaba de Marsi ni Basa se;

MATTHEW 16:13

Jisu Philip Kaisari haphai ha sophaiba ha, boni yaohon rikphayarao niha sing ba, Subung buthu Marsi ni Basa khe sere thihi thi du?

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 17:9

Odehe, hading ni phrang akhaiba ha, Jisu bonsi khe thi ba, Marsi ni Basa subung githi ni bising ni phrang baija phinya side, nisi nuyaba khe saosi nihabo da thi bai.

MATTHEW 19:28

Jisu bonsi khe thiba, Gibi jang ang nisi khe thi du, gadain slamyaba ha se Marsi ni Basa jar ni muima khamthan ha khamba ha, nisi ani yaohon rikphayarao khe Israel jadi jhigin khe bao hi Raja ni khamthan majhigin ha nisibo kham ma se.

MARKA 8:38

Ebo phaphi jug, gaora gaori ni jug ha, sere ani grao khe laji re, Marsini Basa jarni Bupha ni muima jang ar sorgoni degla gatharrao jang phaiba hade, bo bokhe laji ma se.

LUKE 12:8

Ang nisi khe thi du, “asaba sere subung buthuni sagangha ang khe ajao kha de, Marsini Basa bo, Madai ni deglarao ni sagang ha bo khebo olei ning ajao ma se.

LUKE 18:8

Ang nisi khe thi du, bonsi khe juru hi bo srap bisar khlai nang; thikhabo, Marsini Basa phai khali ha ebo habsao ha bo lonma nu nang?

LUKE 2:12

Odehe, nisi ni khlai hi mithi mani sin ebo se, nana khe rih merai hi mihrung ha thu riba khe nisi nuhi nang.

LUKE 2:16

Ode, bonsi srap thang hi, Mari jang Josep, mih ni ahar riyaba mihrung ha nana thu riba khe bonsi nuhi kha.

LUKE 2:7

Ode, hajai jenyaba basa sagra mai ba. Bokhe rih merai hi mihrung ha thu ri ba. Bede thikhade naorai thaothan ha bonsi dongthan maiya.

LUKE 21:36

Odebani, japhai ginyaba bubli khe lailang phu mane, ar nisine raothai maiphu mane ar Marsini Basa ni sagang ha songphu mane, nalai bo bi hi salai dada dong lah.

LUKE 8:3

Herod ni rangkhoh raokhiya, Chuza ni bihih Joanna ar Susanna ar gibin masainjikrao bo jang rikpha ba. Bo subung buthu bonsi jarni rang jang Jisu ar boni rikphayarao khe boni khusi ha juru re.

LUKE 9:58

Jisu bo khe thi ba, Mosrong buthu ni longkhor dong, birbaiyaba dao buthu nebo bithip dong, thikhabo, Marsini Basa ne de khro dengmani hathan giri.

JOHN 1:51

Ar Jisu boni ha thi ba, Ang nini ha gibi gibi grao khe thi ri du, sorgo khruba khe ode deglarao Marsi ni Basa ni basao ha birkhlai phaiba-birkhu phinba khe ning nu nang.

JOHN 12:34

Githim laiyarao subung buthu thi ba, Krista de thaoglao ha se dong ma thihi jing Dara ni phrang khna ba, thikhala ning bedehe thiphu re, Marsi ni Basa khe guju ha se khasi ma thi hi? Ebo Marsi ni Basa la sere kho?

JOHN 13:31

Bo baigo langblai hi Jisu thi ba, Duha Marsi ni Basa ni muima ja ma, Madai ni muima boni ha japhai ma.

JOHN 3:13

Sere saosi sorgo ni phrang phai ba, Marsini Basa khe garhi saosi bo sorgo ha gakhu langphuya.

JOHN 3:14

Moses hajengling ha jbu khe basao ha suguba lai jasosi Marsini Basabo basao ha sugujao ma.

JOHN 6:27

Makham jam ginyaba khe smai hi dukhu da khlai, thaoglao sosi dongyaba makham, Marsini Basa ri ginyaba khe smai lah, boni khlai hi Bupha Madai ne phnuya kha.

JOHN 6:53

Jisu bonsi niha thi ba, Gibi jang ang nisi khe thi du, Marsi ni Basa ni bahain khe jihi, boni bithi khe lingya kha de, nisi jar niha de hayu giri.

JOHN 6:62

Marsi ni Basa sagang ni dongthan ha thangphinba khe nu khali nisi bede ja ma?

DANGYASARAO 7:56

Nai lah, sorgo khuru hi dongba khe ang nuha du, ode, Madai ni yaoda gede ha Marsi ni basa songhi dongba khebo ang nuha du.

2 KORINTH 8:9

Jini Gabra Jisi Krista ni hamjaoma khasaoma khe nisi tharmai kha, bo gnang jahibo nisi ni khlai hi dukhisa japhai ba, bede thikhala bo dukhisa jaba de nisi gnang ja mani khlai hi se.