MATTHEW 8:11 - DARA GADAIN N.T. with PSA and PRO (BSI)

¹¹ Ang nisi khe thi du, sainja sain jroba ni phrang gabang subung phai hi, Abraham, Isak ar Jakob niha phai hi, sorgo raji ha kham nang;

MATTHEW 8:11 Iomraidhean Croise

BAKHAN NI RAJABTHAI 22:27

Khrip mulug ni subung bo Gabra khe mithi nang, Ode, boni ha khrip jadi bo thangphin ma.

BAKHAN NI RAJABTHAI 98:3

Israel ni nokhor sarao niha Boni hamjaoma-khasaoma khe wainso du Boni lonma-gnang khe bo wainso du. Mulug grongbri ha dongyarao boni sogoma khe phnu kha.

MATTHEW 21:41

Bonsi boni ha thiphin ba, Bo subung hamyayarao khe dukhu ri hi bo sjam nang, ode grep bari khe bari naisoyaba gibin, boni bathai khao hi ripha langyarao niha naiso mane khlai hi ri ma se.

MATTHEW 24:31

Bibul khurang jang baosi hokhlai hi jar ni deglarao bo haiha nang. Ode, bonsi nokhasao ni sainja gede ni phrang sain jroba sosi mulug grongbri ni phrang saikho jaoyarao khe bo bojom khlai ma se.

MATTHEW 3:2

Bo thi ba, Khah phin lah, sorgo raji sampha kha,

MATTHEW 8:10

Jisu ebo grao buthu khe khnaba jang hamsi ning gmang hi bo jang rikphayarao niha bo thi ba, Gibi jang ang nisi khe thidu, Israelrao ni bising habo elei lonma raoyaba khe ang nuya kho.

LUKE 12:37

Bubra phaiphin ba ha, lengrao khe smao hi, salai hi bubra goron phaiyarao ni khophal de hambi. Ang gibi khe thi du, bo jar ning bonsi ne khusi dang ri hi, bonsi jang khalai phang khampha nang.

LUKE 16:22

Bo dukhisa thih kha, ar sorgo ni deglarao bo khe langpha hi, Abraham ni rogong ha kham ri kha. Gnang subung bo thih kha, ar bo khe phip kha.

DANGYASARAO 10:45

Judarao ni bising ha lonyarao, Peter jang baosi phaiyarao, Bese Gathar riyaba khe Jentailrao ni basao habo lukhru bani hamsi ning gmang ba.

DANGYASARAO 11:18

Bo grao khe khna ba jang, bonsi phirik phirik thao ba, Ode thikhade, Madai ning Jentailrao khebo khah phin hi haiyu mai mane nangjao du, thihi bonsi Madai khe bakhan khlai kha.

DANGYASARAO 14:22

Gabang dukhu khlai hi Madai ni raji ha jing hapma nang du, thi hi yaohon rikphayarao ni khah khe raodao ri ba. Odehe, lonma ha ning dong mane khlai hi bonsi khe sibring ba.

DANGYASARAO 14:27

Odehe, bonsi sohi bani yaohon ha, longjomrao khe bonsi longthim hi, Madai ning boni khasaoma jang bo dangyaba khrip jang, ode Jentailrao ne lon mani derga bo khuru riba ni balam khe bonsi sainthi ba.

1 KORINTH 15:20

Thikhabo, Krista de githi ni bising ni phrang gibi jang thangphin kha bani, githirao baija phinyaba ni hoja se.

1 KORINTH 6:9

Thikha la, subung dormo niyayarao de Madai ni raji khe mai nang niya thiyaba khe nisi mithiya na somo? Da thokhijao, hamjao baiyaba buthu, saokhuli khe biyarao, gaori gaora jayarao, miyahsa sao khe phain jiyarao, khiphu ha mijingyarao,

EPHESI 3:6

Bo grao dengkhaoyaba de hamba graojma ni khlai hi Krista Jisu ha de Jentailrao ode Israelrao ebo don phantha ja mani saomang mang si, ode nokhor si jahi dong mane, ode grao hanggaiyaba khe mai mane jini phantha se.

KOLOSSA 3:11

Ode, dongthai gadain ha, na Greek, bujuh rasoyaba, Jadi khe naisoyaba, Skuthia subung, leng, leng niyayaba bo musi dong daoya kha; Jisu Krista ha se ning khrip jadi dong ba.

2 THESSALONIKA 1:5

Odese, Madai ni raji ni subung japhu mani nisi khe saikho ba, Madai ni bisar de ragao sisi gibiyaba se, bo raji ni khlai hi se nisi dukhu khlai ba.

NUJAOYABA 7:6

Aser jadi ni phrang rjing jhigin, Napthali jadi ni phrang rjing jhigin, Manase jadi ni phrang rjing jhigin,