MATTHEW 7:15 - DARA GADAIN N.T. with PSA and PRO (BSI)

¹⁵ Gorasali mosol ni phrang girik hi dong lah, bo buthu de melma bugur khe phin hi nisi niha phai re. Thikhabo bonsi ni bising hade rasa haslarao lai se.

MATTHEW 7:15 Iomraidhean Croise

MATTHEW 10:17

Subung ni bising hade girik lah. Bonsi ni bisardarrao nisi khe rem rima, ode, bikhoh ni noh buthu ha nisi khe doma-suma se.

MATTHEW 16:11

Hon ni grao khe nisi niha ang sainthiya thi hi nisi bede tharmaiya? Thikhabo, Pharisairao ar Saddukairao ni humao ni phrang girik lah, thi hi bonsi khe thiba.

MATTHEW 16:6

Jisu bonsi niha thiba, Pharisairao ode Saddukairao ni humao ni phrang naiso hi girik lah.

MATTHEW 24:11

Ode, mosol gorasali baigo phai ma, ode gabang subung khe bonsi thokhi ma se.

MATTHEW 7:14

Hayu ni lama ha thangyaba dergade khasi bi, boni lama bo gepheyaba se. Bokhe nuyarao bo gijisa se ning.

LUKE 12:15

Odebani, bo bonsi khe thi ba, Nisi harbaoma ni phrang girik lah. Don jang mang mang de subung thangya.

LUKE 6:26

Nisi malai khe hamba sugu hi bakhan khlai kha bo, nisi ni basaoha bubain risi bi. Nisi ni phagara mosol gorasalirao ni basaoha bo olei ning dangba se.

JOHN 10:12

Yaowai ha raokhi dangyasa de naisoyasa bo niya, bubrabo niya. Odehe, jekhali bo rasa phaiba nu kha de, melma khe dangkhlai hi khai re, odese rasa melma khe waiphlung re ar melma khaiphlung thar re.

DANGYASARAO 13:40

Odebani, girik lah. Ode niyakhade, gorasalirao ni laisi ha bonsi thiyaba grao de nisi ni basao habo sophai ma se.

DANGYASARAO 13:6

Odehe, bo hahgojo ha Paphos sosi bonsi thangpha lang hi, mosol gorasali, Juda subung saosi khe nu ba, boni bumu de Bar Jisu.

GALATIA 2:4

Mosol daphlung, ebo subung buthu jini bising ha hap hi, Krista ni phrang jing maiyaba sadhin khe nainai mane bonsi jing khe leng slam ma bao ba.

EPHESI 4:14

Odese, subung giriklaiyarao hamya buddi jang ejang ojang phlab khu hi thokhi dada gibin gibin slingrithai jang ansa hamya lai jahi jing dongba ja nang niya.

EPHESI 5:6

Saosi bo grao haglai biglai jang nisi khe da thokhi thing; bo jinis ni khlai hi Madai ni thamsi lonyayaba basathu ni basao ha sophai ma se.

PHILIPPI 3:2

Sisa buthu ni bising ha girik lah, hamya khusi dangyarao ni bising ha girik lah, bujuh rasoyarao ni bising ha girik lah.

KOLOSSA 2:8

Girik lah, ode niyakha de, sereba Krista ni grao lai niya hi, subung ni grao gda ha dengyaba, ode habsao gdani sikhaithai khitha bujuh giriyaba buthu lai se, bonsi ni gyan jang haglai thokhiyaba grao jang jbah yaodi ne bonsi nisi khe langla jao nang.

2 TIMOTHE 3:13

Thikhabo, subung hamyayarao jang subung thokhi baiyarao de, bonsi ni phantha de hamyadao pha lang nang; ode, malai khe bonsi thokhi ma, malai jangbo bonsi thokhijao ma se.

2 TIMOTHE 4:3

Subung buthu slingriyaba grao gibi khe bonsi khna ma nangyayaba bublibo sophai ma se. Bokhe garhibo bonsi ni khmao buthu sisi migrim jao hi, jar khna ma mijingyarao sainthi mani khlai hi slingriyarao gabang bonsi bojom khlai nang,

2 PETER 3:17

Odebani, hamjao daothaoyarao, nisi de tharmai kha bani girik lah, ode niyakha de, dara khe bera khlaiyayarao ni phap jang nisi khe lang la hi, nisi rao hi dongba ha nisi galai ma se.

1 JOHN 4:1

Hamjao daothaoyarao, khrip bese khe da lon lah, mosol gorasali gabang baigo phai kha bani bese buthu khe Madai ni phrang baigoyaba na baigoyayaba bo khe nai lah.

JUDA 1:4

Nisi ni bising ha subung gejesi, phirik phirik hapsing phai hi dong, bo buthu de Madai khe maniyayaba subung buthu se; Madai ni khasaoma ni grao khe bonsi ni mijingma ha majang sisi thi mani khlai hi bonsi yaowai hi, jini hoja ode jini Gabra saosi mang mangyaba Jisu Krista khe mani ma bo bonsi nangjaoya, oleiyaba subung buthu khe gajai ne bonsi saikho kha.

NUJAOYABA 16:13

Odehe, Dragon ni bukhuh ni phrang ar mih rege ni bukhuh ni phrang ar mosol gorasali ni bukhuh ni phrang khaoroma lai jadi jadi bese regeyaba gatham baigo phai ba khebo ang nu ba.

NUJAOYABA 17:6

Ar bo masainjik subung gatharrao ni thijao jang Jisu ni khlai hi bandai yaopha layaba ni thijao jang baola jahi dongba khe ang nu ba. Bo masainjik khe nuba jang ang hamsi ning khin ba.

NUJAOYABA 19:20

Mih rege khe bonsi rem hi, boni baslai ha sin gmang thaosi buthu khe dangyaba, gorasali mosol khebo bonsi rempha ba. Bo gorasali se jinis gmang thaosisiyaba khusi dangyaba jang mih rege ni lombor layarao ode boni saokhuli khe biyarao khe bo thokhi re. Bonsi gini khebo gathang ning wai ni kharnai ha bonsi dangsing kha.

NUJAOYABA 20:10

Boha bonsi khe thokhiyaba Soithan, mih rege jang mosol gorasali dongyaba waithai jinghi dongyaba wai ni kharnai ha bonsi khe dangkhla kha, oraha sain hor jug jug saja rijao hi bonsi dukhu rijao ma se.