MATTHEW 6:9 - DARA GADAIN N.T. with PSA and PRO (BSI)

⁹ Odebani, nisi ede bi lah: Sorgo ni jini Bupha Nini bumu gathar man ja thing

MATTHEW 6:9 Iomraidhean Croise

BAKHAN NI RAJABTHAI 111:9

Boni subung ni khlai hi kho mane slam kha Boni dara khe thaoglao ni khlai hi gajeb ri kha Boni gathar bumu de khinthao thao se.

BAKHAN NI RAJABTHAI 115:3

Jini Madai de sorgo ha dong Bo snadi khe dangma nangjao du bokhe dang du.

BAKHAN NI RAJABTHAI 72:18

Sere sao jang gmang thaosisiyaba khusi dangyaba Madai, Israel ni Madai, Gabra khe bakhan ri lah.

MATTHEW 10:29

Daophersi magin khe phaisa masi jang phainya? Thikhabo, bonsi ni bising ha nisi ni bupha nangjaoya kha de masi jahi bo hah ha galai nang niya.

MATTHEW 23:9

Phirthi sao ha saosi khebo jar ni bupha da thi; nisi ni Bupha de saosi se ning, sorgo ha dongyaba.

MATTHEW 26:29

Thikhabo, ang nisi khe thi du, ani bupha ni raji ha nisi jang ang gadain grep ni bidi khe ling phinya si ang ling phin nang niya kha.

MATTHEW 26:42

Bo phigin thang hi biphin ba, O Abai, ang lingginyaba bela khe ani phrang disai phuya khade, nini baothai lai ja thing.

MATTHEW 5:16

Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.

MATTHEW 5:48

Odebani, nisi ni bupha, sorgo ha dongyaba ham ba lai nisi ham ma nang ma.

MATTHEW 6:14

Subung ni gajai buthu khe nisi map khlai kha se, nisi ni bupha sorgo ha dongyaba nisi khe map khlai ma.

MATTHEW 6:6

Thikhabo, ning de biba ha nini noh bising ha hap dada, nini derga khe phung hi, nini bupha niha phirik phirik bi lah. Odese, nini bupha phirik phirik naiyaba ning khe hamthai ri ma.

MATTHEW 7:11

Odehe, nisi subung phaphi ning jar ni basathu ne hamba jinis riba ring kha la, nisi ni bupha sorgo ha dongyaba la boni ha sainyarao ne bo hamba jinis ri nang niya?

LUKE 15:18

Ang baija hi abai niha thangphin hi thi nang, Abai, Madai ar nini basao ha ang dang gajai kha,

LUKE 15:21

Bo jarni bupha niha thi ba, ‘Abai, nokhasao ni Madai ni basao ha, ar nini muh ha phap khusi ang dang kha. Nini basa thijao mane ang gathaya kha.’

LUKE 2:14

Judaothao ni Madai niha muima ja thing Ode, habsao habo hamjaoyaba subungrao ni basaoha milima dong thing, thihi bonsi thi ba.

JOHN 20:17

Jisu thi ba, Ang khe da dopha, bede thikhala duha ang basao ha Abai niha thang phinya kho. Thikhabo ani daphlungrao niha thang lah ode bonsi niha sainthi tha, ang ani Abai ode nisi ni Abai, ode ani Madai, ode nisini Madai niha basao ha thang du.

ROM 1:7

Madai ning bo jamjaoyarao jang boni subung gathar ja manibo longyarao, Rom nogor ni subung buthu niha: Jini bupha Madai, odehe Gabra Jisu Krista ni phrang khasaoma jang santi dong thing.

ROM 8:15

Khin dada dongphin mani khlai hi leng jayaba bese khe nisi maiya, basa jaya bani bese khe se nisi mai ba; bo bese ni khlai hi se, Abba, Abai! thi hi jing jirik khao ba.

GALATIA 1:1

Paul, haijaoyasa (Subung buthu haiyaba niya hi subung buthuni dara jang bo niya, Jisu Krista ar githi ni gejer ni phrang bo mathangyaba, bupha Madai ni dara jang se haijaoyasa jaba) ode,

GALATIA 4:6

Nisi basa se bani Madai ning jarni Basa ni Bese khe haiha ba, bo Bese ni khlai hi jing Abba! Abai! thi dada jini khasu ha jirik khao ba.

1 TIMOTHE 6:16

Boni ha se ning thaoglao ni thijaoyayaba dong ba, gabasi thang phuyayaba jnayaba ha se bo dong ba, bokhe saosibo nuya, saosibo bokhe nubabo nuphuya. Boni ha ning bakhan jang thaoglao ni Raja jayaba dong thing, Amen.

1 PETER 1:17

Naidao naiyadao jaya hi, khrip subung jar khusi dangba lai ning bisar khlai riyaba khe, bupha thihi jirik khade, eraha nisi naorai lai jahi dongba ha ning bokhe man jang khin dada yaowai lah.

NUJAOYABA 4:11

Ning jini Gabra jang jini Madai! Muima, bakhan, raothai, ning mai jayaba se, Bedethikhala, ning khrip sangsai ba, Nini grao jang slam bani se dong thar ba, ode thi ba.

NUJAOYABA 5:12

bo buthu de, khurang bol jang edehe rajab ba: Melmasa sthai jaoyaba de, raothai ja thing, gnang ja thing, gyan ja thing, bol raoma ja thing, bakhan ja thing, bo mai ginyaba ning! thi ba.