MATTHEW 6:25 - DARA GADAIN N.T. with PSA and PRO (BSI)

²⁵ Odebani, ang nisi khe thi du, snadi khe ang jima-lingma thihi nisi ni hayu ni grao ha, ar, snadi khe ang gainma-phinma thi hi saomang ni grao ha nisi khah waimu da nang. Jiba thane hayu se muilo jadaoya? Gainsari thane saomang bo muilo jadaoya?

MATTHEW 6:25 Iomraidhean Croise

BAKHAN NI RAJABTHAI 55:22

Gabra-ni basao ha nini bakho bubain khe deng lah Bo ning khe ba juru nang. Gibi subung khe smaoma ri nang niya.

MATTHEW 10:19

Thikhabo bonsi nisikhe rem ri lakhabo, bede ja ma, snadi grao khe ang thi ma? thihi khah waimu da nang; nisi grao thima ne khlai hi de bubli ha nisi khe bese jang tharmai ri nang.

MATTHEW 13:22

Busuling ha maigrong galaiyaba de edese; bo grao khede khna du; thikhabo, habsao ni khah waimu ar mosol grao jang boni grao khe dip phung du. Odebani bo bathai thaiya.

MATTHEW 6:31

Odebani, snadi khe jing jima? Snadi khe jing lingma? Snadi khe jing phin hi dong ma? thihi waimu da nang. Jentailrao khrip oleiyaba khe smai re.

MATTHEW 6:34

Odebani, dakhna ni khlai hi waimu da nang, bede thikhade dakhna ni basain ha jar ni waimu jar ning khlai la nang. Sainsi ni khlai hi sainsi dukhu khlai kha ning ja kha.

MARKA 13:11

Ar nisi remjao hi nisi khe bisar khoh ha lang khabo, snadi grao khe thi ma thihi nisi waimu da nang. Bo bubli sophai baha, snadi grao khe ning thi ba, bo nisini grao niyahi, Bese Gathar ni phrang phaiyaba grao ja ma.

MARKA 4:19

thikhabo, habsao ni gede waimu nang hi gnang jama ni baobai hi ode gibin gibin jinis buthu khe nangjao dada dip phung hi bathai thaiya hi thao ba.

LUKE 12:11

Nisi khe bisar ri mani subung buthu sunagog ha, ar hojarao ar bisardarrao ni sagang ha lang nang. Bedehe grao thiphin ma thihi nisi khah waimu da nang.

LUKE 8:14

Busuling ha graiba thiyaba de, bonsi grao khe khna kha, thikhabo sagang gede thangpha langba ha, waimu jang habsaoni gnang bonsi khe dip phung kha, suk jang dong mani baoma ha gablai hi bathai thaiya hi thao la kha.

ROM 8:32

Bo jarni basa khebo mathaoya hi jing khrip ne riyaba la, jinis gibin khrip khebo bo jinthane magna ri nang niya na somo?

1 KORINTH 7:32

Khah waimu giri hi nisi dong mane ang nangjao du, bihih maiyayaba miyah de Gabra khe khaja ri mani khlai hi Gabra ni jinis buthu ha bo khah waimu nang re.

PHILIPPI 4:6

asaba habo khah waimu da nang, asaba khe bo Madai bi dada ode sain hi nisi jinis nangyaba buthu khe, khajama ni grao thi dada, Madai niha khna ri la thing.

2 TIMOTHE 2:4

Siphaiya ha dong mani saikhoyaba khe khaja ri mane khlai hi, asaba siphaiya jbah thangba bubli ha jar khe jar habsao ni khusi buthu ha thaoya.

1 PETER 5:7

Bo jar ning nisi ni gede khah ridu bani nisi ni khrip khah waimu khe boni basao ha deng lah.