MATTHEW 6:23 - DARA GADAIN N.T. with PSA and PRO (BSI)

²³ Thikhabo, nini muthai hamya khade khrip nini saomang andar ja ma se; odebani, nini saomang bising ha jnama andar jakha la, hamsi ning andar ja nang.

MATTHEW 6:23 Iomraidhean Croise

GYAN NI GRAO BUTHU 26:12

Sere jar khe girikbi baola re Bode gibir thabo hamyadao.

MATTHEW 20:15

Ani jar ni jinis khe ang nangjaoba lai lai ang yaowaiba jaya na? Niyakhala, ang hamba ni khlai hi nisi hingsa ja ba? thihi thiphin ba.

MATTHEW 6:22

Saomang ni jnama de muthai se. Nini muthai jna khade nini saomang khrip jna ma se.

MARKA 7:22

Ul jamani, khao jimani, sthai mani, malai ni bihih jang hamjao lai mani, harbao mani, rege mani, thokhi mani, gaora-gaori ja mani, hingsa ja mani, siji mani, ode sanggama gibir,

LUKE 11:34

Nisi ni muthai ning nisi ni saomang ni thaophari se. Nisi ni muthai ham re thikhade, saomang khrip jdan thar nang; thikhabo, hamya re thikhala, nisi ni saomang bo andar jama se.

LUKE 8:10

Bo bonsi khe thi ba, Madai ni raji ni grao huikhaoyaba khe tharmai phu mane nisi ne ri du. Thikhabo, gibin subung raone de daogari grao jang se sainthi ba. Ar bonsi mai kha bo nuya mane, ar khna kha bo khmao hapya mane.

ROM 1:22

Girikbi baolayaba de gibir se jathar kha.

1 KORINTH 2:14

Saomang ni subung de Madai ni Bese jang jinis riyaba buthu khe khajaya, bonthane de gibir jayaba se. Bese jang se ning mithi phuyaba se bani, bo bujiba bo buji phuya.

EPHESI 4:18

tharmaiyayaba bonsi niha dong, bo tharmaiyayaba jang ning Madai ni hayu ni phrang saikhlai jao hi, tharmaiyayaba ha bonsi ni khah ha gyan giri bani, bonsi andar ja kha.

EPHESI 5:8

Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah.

1 JOHN 2:11

Thikhabo, jar ni daphlung khe jajaoyayaba de andar ha ning dong kho, bonsi andar ha daoding bai hi, andar jang boni muthai khe gana khlai kha bani thang manebo mithiya kha.