MATTHEW 6:2 - DARA GADAIN N.T. with PSA and PRO (BSI)

² Odebani, ning malai ne yaosandi riba ha, subung giriklaiyarao jang bakhan rijao mane bojom jayaba hathan buthu ha ode, daoglap buthu ha bonsi riba lai, nini sagang ha bibul da dam ri.

MATTHEW 6:2 Iomraidhean Croise

BAKHAN NI RAJABTHAI 112:9

Dukhisarao nebo yaosandi ron du Boni gibi de thaoglao sosi dongma se Boni bumu de gede muima jang sugu jaoma se.

BAKHAN NI RAJABTHAI 37:21

Phaphirao asaba jao khabo, bonsi suphinya Hamba subungrao de magna jang ri re.

GYAN NI GRAO BUTHU 19:17

Dukhisa khe juruyaba de Gabra khe se lagai phnang ba, Bonthane khusi dangyaba ni yaosandi ri ma se.

GYAN NI GRAO BUTHU 20:6

Gabang subung hamjaoma dong thi hi thi re Thikhabo, subung lonma-gnang de mai phuya.

MATTHEW 15:7

O giriklaiyarao, Isai nisi ni balam ni grao ha thi dayaba gibi se;

MATTHEW 16:3

Ode, phorong ha, nokhasao dongthai khe nai hi, dini de bar hadi phai ma se, bede thikhade nokhasao gisim jahi hadi mao du thi hi nisi thiphu re. Thikhabo, bubli ni sin buthu khe snadi jabani nisi thiphuya ba?

MATTHEW 22:18

Thikhabo, Jisu bonsi ni hamyathai khe tharmai hi bonsi khe thiba, O giriklayarao, sumjabani nisi angkhe nai nai ba?

MATTHEW 23:5

Khrip bonsi khusi dangyaba buthu khe subung khe phnu mane bonsi dang re. Bonsi khadu buthu ode honyaba buthu khe gede khlai rihi bonsi ni rih ni bergong khe logalai ri re.

MATTHEW 23:6

Mel phaiyaba ha hathan hamba buthu ar bojom jayaba noh ha khamthan hamba buthu,

MATTHEW 24:51

Odehe, bokhe gojo gin so nang, giriklaiyarao ni phantha jang baosi phantha ri nang, oraha se gra hi hathai wai hi dong ma.

MATTHEW 5:18

Gibi jang ang nisi khe thi du, phirthi nokhasao jamya side dara ni rebyaba ha gijisa ganthi ja thing, gijisa rul sikyaba ja thing, masi jahi bo jam nang niya.

MATTHEW 6:16

Nisi jiya hi hoh khongja dong khabo, subung giriklaiyarao lai mukhang mao hi da phnu. Bonsi de subung ni muh ha hoh khongja nujao mane bonsi ni mukhang khe bonsi sim ri re. Gibi jang ang nisi khe thi du, bonsi ni yaosandi khe bonsi mai thar kha.

MATTHEW 6:3

Ang gibi jang nisi khe thidu, bonsi ni yaosandi khe bonsi mai blai kha. Thikhabo, ning de malai ne yaosandi riyaba khe malai tharmaiya mane khlai hi nini yaoda ni yao jang yaosandi riyaba khe yaosi ni yao jang thar da maijao thing.

MATTHEW 6:5

Odehe, nisi biba ha subung giriklaiyarao lai nisi da bih, bonsi de malai nu mane khlai hi bojom jayaba hathan buthu ha derga kholei ni gejer ha song hi bima nangjao re. Ang nisi khe thi du, bonsi ni yaosandi khe bonsi mai blai kha.

MATTHEW 7:5

O griklaiyaba, sagang ha nini muthai ni muphin khe khaikho da lah, odese nini daphlung ni muthai ni phrang muphin khaikho phu ma.

MARKA 12:39

Ode, bonsi sunagog buthu ni melha bo khamthan hamdao ha kham ma nangjao re;

MARKA 7:6

Jisu bonsi khe thiphin ba, Isaia gorasali nisini basao ha jamaisiyarao thihi thi langba lai grao gibi ning. Bo reb ba lai- Ebo jug ni subung buthude, khuh ha se ning angkhe man khlai ba, Thikhabo, khah hade ani phrang gajain dong ba se.

LUKE 11:41

Thikhabo, nisi ni bising ha dongyaba khe dukhi sarao khe juru mane ri lah. Odehe, nai lah, nisi ni khlai hi khrip gathar ja nang.

LUKE 11:43

Nisi Pharisairao, nisi ni khlai hi bakho bubain risi bi; sunagog ha hamdaoyaba khamthan buthu ha kham ma, ar hathai ha nisi khlimjao ma nangjao re.

LUKE 12:33

Nisi don khe phain dada, dukhi saraone ri lah, ar sorgo ha, makhao thang phuyayaba ha, haro ji phuyayaba ha, rangkhoh gajam ja phuyayaba sorgoni rangkhoh ha, nisi ni rang khe thathi lah.

LUKE 12:56

Nisi Giriklaiyarao! Jamaisiyarao! Habsao nokhasao khe naiba jang jathai khe mithi phu du, sumjabani dini dakhnani jathai khe mithi phuya ba?

LUKE 13:15

Gabra bo khe thiphin ba, Nisi giriklaiyarao! Lenggo Basain ha bo nisi jarni musu jla ar mihleng buthu khe khahi dengyaba khe, khruhi mihrung khoh ni phrang langhi, dih ling riya na somo?

LUKE 20:46

“Dara khe slingriyarao ni bising ha de girik lah. Sola glao thuhi, bonsi daobaima nangjao du; bikhoh ha ar mel ha ar jilaiba ha, bonsi khamthan hamba ha kham ma nangjao du.

LUKE 6:24

Nisi gnangrao, nisi ni bakho bubain risi bi Nisi suk jang khajama mai blai kha.

LUKE 6:42

Jarni muthai ha dongyaba malang khe nuyahi jarni daphlung khe bede khlaihi nini muthaini muphin khe Ang khe khaikho ri lah thihi ning bede thiphu ba?”

JOHN 13:29

Juda niha ning, rang ni joli dong ba, odebani Jisu bokhe mel ni khlai hi snadi nang du, bokhe barai mane, na dukhi sarao ne rimane thiba thihi gejesi rikphayarao bao lai ba.

JOHN 5:41

Subung bakhan riyaba khe ang nangjaoya.

JOHN 5:44

Masi mang mangyaba gibi Madai ni phrang baigoyaba khe bakhan rima smaiya hi jar jar khe bakhan rima baokha de, bedehe nisi lonphu ma?

JOHN 7:18

Sere jarni nangjaoma lai grao thi re, bo jarni muima khe se smai ba. Sere jarni haihayaba ni muima khe smaiyaba de lonma gnang se, boha musibo gajai giri.

DANGYASARAO 10:2

Bo Madai khe maniyaba subung se, bonsi nokhorsi bo Madai khe khin re; ode, malai ne gabang jinis ri re, ar Madai niha bo bonsi hamsi ning bi re.

DANGYASARAO 10:31

Korneli, ning biyaba khe khna ha kha, ode ning jinis yaophayaba buthu khe bo Madai tharmai kha,

DANGYASARAO 10:4

Bo hamsisi nai dada khin ba, ode O Gabra, snadi? thihi sing ba. Sorgo ni degla thiphin ba, Ning biyaba buthu jang jinis yaophayaba grao buthu khe wainso mane khlai hi, Madai niha sohi kha.

DANGYASARAO 11:29

Odebani, lonyarao ning, blai ba lai lai, khrip Juda raji ha daphlung dongyarao ne khlai hi rang khrang hi, bonsi haiha ma bao ba.

DANGYASARAO 24:17

Jerusalem ha maithai gabang ni yaohon ha ang phai ba, ani greng buthu ni bising ha jinis ri mane di dada, bandai yaopha mane khlai hi se ang phai ba.

DANGYASARAO 9:36

Joppa nolei ha, lonyaba subung saosi, boni bumu Tabitha thiyaba, dong ba. (Greek grao jang de boni bumu Dorka se, boni ortho de mihsai se). Bo gabang hamba khusi dang hi riphain khe ri re.

ROM 12:8

sibringyaba bo, khah muh jang sibring la thing; jinis riyaba bo, khaithiya hi ri la thing; hojabo hamsisi langsmai la thing; khasaoyaba de khajama jang khasao la thing.

1 KORINTH 13:3

Aniha dongyaba khrip khe subung dukhisarao ne ri thar dada, ani saomang khe kham mani ri la khabo, hamjaoma khasaoma aniha giri khade, anthane khlai hi musibo lab giri.

GALATIA 2:10

Bonsi ni bising ha dukhi sarao khe nalai bo wainso song mani khlai hi bo jinthane grao galang ba, bokhe ning ang dang ma bao ba se.

EPHESI 4:28

Makhao jabaiyaba makhao da japhin thing. Dukhisarao khe juru mane don mai bani khlai hi, ar jarne khlai hi don mai mane, khusi dang jen thing.

1 THESSALONIKA 2:6

Nisi ni phrang ja thing, malai ni phrangbo ja thing, subung ni phrang bakhan rijao mane jing smaiya.

1 TIMOTHE 6:18

Bonsi de hamba khusi dang mani ode, hamba khusi dangba bangdao mani khlai hi, nalaibo khaithiya hi gibi subung buthu jang yaowai phalai manebo sibring lah.

PHILEMON 1:7

daphlung, nini dara jang subung gatharrao ni khasu ha smao kha bani nini hamjaoma ha ning khaja hi ang gabang ning shanti mai kha.

HEBRAIRAO 13:16

Hamba khusi dangyaba ode saosi jang saosi juruma da blao lah; oleiyaba bandai buthu khe Madai khaja ri du.

1 PETER 4:11

Asaba bo grao sainthi khade, Madai ni grao buthu khe ning sainthi la thing; asaba bo khusi dang khade, Madai raoma ri ba lai ning dang la thing; odese, Jisu Krista ni khlai hi Madai khe khrip ha muima khlai phu ma. Muima jang raothai thaoglao thaoglao boni gaja se. Amen.