MATTHEW 6:16 - DARA GADAIN N.T. with PSA and PRO (BSI)

¹⁶ Nisi jiya hi hoh khongja dong khabo, subung giriklaiyarao lai mukhang mao hi da phnu. Bonsi de subung ni muh ha hoh khongja nujao mane bonsi ni mukhang khe bonsi sim ri re. Gibi jang ang nisi khe thi du, bonsi ni yaosandi khe bonsi mai thar kha.

MATTHEW 6:16 Iomraidhean Croise

BAKHAN NI RAJABTHAI 109:24

Hoh khongja jahi ani yasgu raoya kha Ani saobo ram hi rain kha.

BAKHAN NI RAJABTHAI 35:13

Bonsi limba ha ang dukhu jang bosta phin du Hoh khongja jahi ang bonsi jang dukhu ja pha du. Ang yasgu thu hi Madai niha bi ri du.

BAKHAN NI RAJABTHAI 69:10

Ang gra hi ode hoh khongja dongkhali ha Naisleiyaba khe ang khahlao lama nang ma.

MATTHEW 6:1

Nisi hamba khusi dangyaba buthu khe, subung ni sagang ha bonsi nu mane dangya mane khlai hi girik lah; ode niya khade, nisi ni bupha sorgo ha dongyaba niha yaosandi mai nang niya.

MATTHEW 6:2

Odebani, ning malai ne yaosandi riba ha, subung giriklaiyarao jang bakhan rijao mane bojom jayaba hathan buthu ha ode, daoglap buthu ha bonsi riba lai, nini sagang ha bibul da dam ri.

MATTHEW 6:5

Odehe, nisi biba ha subung giriklaiyarao lai nisi da bih, bonsi de malai nu mane khlai hi bojom jayaba hathan buthu ha derga kholei ni gejer ha song hi bima nangjao re. Ang nisi khe thi du, bonsi ni yaosandi khe bonsi mai blai kha.

MARKA 2:18

Baptisma riyaba Johan ni rikphayarao ode Pharisairao hoh khongja dong re. Odebani subung buthu Jisu niha phaihi singphai ba, Johan ni rikphayarao jang Pharisairao hoh khongja dong re. Snadi jabani nini yaohon rikphayarao la hoh khongja dongya ba?

LUKE 18:12

Hapta si ha, alang gini ang hoh khongja mani du, ar aniha dongyaba si ni phrang majhi ha masi khe ninthane ang ri du.’

LUKE 2:37

Bo nokha maithai jang bisa bri maithai bri banjik jahi dong ba. Ar Madaikhoh khe garyahi nalaibo hoh khongja donghi bo Madai niha bi re.

DANGYASARAO 10:30

Korneli thi ba, Nokha saintham ja kha, ang jarni noh ha phintham hading ha biba ha, subung saosi rih guphu jnayaba khe phin hi ani sagang ha songphai hi, thi ba,

DANGYASARAO 14:23

Khrip longjomkhoh ha khraorao yaopha lang hi, hoh khongja khlai hi, bonsi bi bani yaohon ha, lonyaba Gabra niha bonsi dengpha lang ba.

1 KORINTH 7:5

Nisi saosi jang saosi gibin da dong, thikhabo khaisa bubli sosi ne khlai hi jar jarni hainthi jang Madai bi mani khlai hi gibin dong lah, thikhabo srap mili lai lah, odehe masi jahi dong lah. Ode niyakha de, khah ha mathao phuyayaba ni khlai hi Soithan nisi khe thokhijao nang.

2 KORINTH 11:27

Thu phuya si dukhu jang lengyaba buthu ha, mai jiya hukhri jao hi, ode dih gangha hi ang dong ba; ri phin mani giri hi, langkhao khao gajang hi ang dukhu mai ba.

2 KORINTH 6:5

sujaoyaba buthu ha ja thing, phatho buthu ha ja thing, subung buthu ni yao jang dukhu rijaoyaba ha ja thing, khusi ni gaso suso buthu ha ja thing, nai matho buthu ha ja thing, hukri jaoyaba buthu ha ja thing,