MATTHEW 6:14 - DARA GADAIN N.T. with PSA and PRO (BSI)

¹⁴ Subung ni gajai buthu khe nisi map khlai kha se, nisi ni bupha sorgo ha dongyaba nisi khe map khlai ma.

MATTHEW 6:14 Iomraidhean Croise

GYAN NI GRAO BUTHU 21:13

Subung dukhisa grayaba khurang khe khnaya khade Bobo grama ni bubli ha khna nang niya.

MATTHEW 5:7

Malai ni basao ha maya-doya khlaiyarao de khophal hambi, Bonsi maya-doya khlaijao ma se.

MATTHEW 6:12

Malai ni gajai khe jing map khlaiba lai ning Jini gajai khebo ning map khlai.

MATTHEW 7:2

Bede thikhade ning bede malai khe gajai riba, olei ning ningbo gajai ri jaoma se, ar ning snadi jang suba, bo suyaba jang ning ningbo sujao ma se.

MARKA 11:25

Ar nisi bi mane songbaha malai asababo nisini basao ha gajai riyaba khe map khlai lah, ode ning nisini bupha sorgoha dongyababo nisini gajai khe map khlai nang.

LUKE 6:37

Malai khe da musu lah, odese ning bo musu jaoya ma. Saosi khe bo gajai da ri lah, odese ning bo gajai rijaoya ma. Malai khe map khlai lah, odese ning bo map khlai jaoma se.

EPHESI 4:32

Nisi saosi jang saosi khe khasao lai hi, maya nanglai lah; bede thikhade Madai ning Krista ha nisi ni gajai khe map khlai ba lai ning nisi bo saosi jang saosi khe map khlai lai lah.

KOLOSSA 3:13

Nisi saosi jang saosi khah laolei lah, asaba subung bo malai ni basao ha khah ha jajaoya hi nisi dongkha de, nisi saosi jang saosi khe map khlai lai lah. Nisi khe Gabra map khlai ba lai ning nisi bo map khlai lai lah.

JAKOB 2:13

Khasaoma giri hi khusi dangyaba, khasaoma giri hi ning bisar khlaijao ma se. Khasaoma dongyaba subung ni khlai hi bisar ni basao ha musi khinmani giri.

1 JOHN 3:10

Madai ni basathu jang soithan ni basathu khe mithi phuyaba de ebo ning ja kha: sere gibi khusi khe dangya, bo Madai ni phrang baigoyaba niya. Jar ni daphlung khe khasaoyayaba de Madai ni phrang baigoyaba niya.