MATTHEW 6:13 - DARA GADAIN N.T. with PSA and PRO (BSI)

¹³ Phap ni naigrik ha jing khe da langpha Hamya ni phrang jing khe sogo lah. (Sereba rebyaba ha elei dong: Bede thikhala, raji, raothai ar muima, thaoglao sosi nini ning. Amen).

MATTHEW 6:13 Iomraidhean Croise

BAKHAN NI RAJABTHAI 10:16

Gabra ning thaoglao ni Madai se, Gibin madai ha lonyarao raji ni phrang jamthar ma se.

BAKHAN NI RAJABTHAI 106:48

Gabra, Israel ni Madai niha thaoglao thaoglao jang bakhan ja thing, Khrip subung Amen thi thing Gabra khe bakhan khlai lah.

BAKHAN NI RAJABTHAI 22:28

Gabra de dedao thaoyaba Raja se Khrip jadi ni basao ha bisar khlai du.

BAKHAN NI RAJABTHAI 41:13

Gabra, Israel ni Madai khe khripbo bakhan ri lah Thaoglao sosi bo khe khripbo bakhan khlai lah. Amen, Amen.

BAKHAN NI RAJABTHAI 47:2

Gabra, dedao thaoyaba de bislei khinthao thaoyaba se! Phirthi sao ha bo Raja gedeba se.

BAKHAN NI RAJABTHAI 47:7

Madai de khrip habsao ni Raja se thi Majang sisi bakhan ni rajabthai jang bokhe bakhan ri lah.

BAKHAN NI RAJABTHAI 72:19

Boni muima ni bumu khe thaoglao ni bakhan ri jao thing Phirthi gablai si boni muima ja thing. Amen Amen.

BAKHAN NI RAJABTHAI 89:52

Gabra niha thaoglao jang bakhan ja thing, Amen, Amen.

GYAN NI GRAO BUTHU 30:8

Ani phrang gajain ha haglai jang mosol khe disai lah. Ang khe dukhisa bo da ri, gnang bo da ri Thikhabo, sainmidi hoh gablai si jimane a ne ri lah.

MATTHEW 26:41

Naigrik ha nisi galaiya mane khlai hi smao hi ning bi dada dong lah. Bese ni khlai hi bokhe blai du, thikhabo saomang de raoya ja du.

MATTHEW 28:20

Nisi ne ang grao riyaba khrip khe mani mane khlai hi sling ri lah. Ode, nai lah, ang thaoglao hapsao jamba sosibo nisi niha ang dongpha ma se.

MATTHEW 5:37

Jakha nisi thi khade jakha ja thing, jaya nisi thikha de jaya ja la thing. Bang bang side hamya se baigo ma.

MATTHEW 6:10

Nini raji sophai thing Nini nangjaoma sorgo ha dangba lai ning Phirthi ni subungbo dang thing.

JOHN 17:15

Bonsi khe habsao ni phrang khaikho lang mane ang khainsuya, thikhabo, bonsi khe Soithan ni phrang dimkhao hi deng mane ang nini ha sain ba.

1 KORINTH 10:13

Nisi naigrik goronyaba khe subung goronyaba thane baraya. Madai de gibiyaba se, nisi dukhu jaba tha braha nisi khe dukhu ja ri nang niya. Naigrik sophai bani lugu lugu, nisi dukhu ajao phu mani khlai hi khai hunyaba lama srap slam ma se.”

1 KORINTH 14:16

Ode niyakha de, bese jang khajama ni grao thi la khabo, baji ni subung dongphaba ha ning thiyaba ortho khebo bujiya kha la, ning khajama ni grao thiyaba ha bede Amen bo thiphu ma?

2 KORINTH 1:20

Madai grao hanggaiyaba khrip bo boni ha de jamthar si, jadu gaja se. Odebani, jini bising ha Madai ni muima ni khlai hi, Jisu Krista ni khlai hi jing Amen thihi thi ba.

GALATIA 1:4

Bo ning jini Madai ode jini bupha nangjao ba lai duha ni habsao hamya ni phrang bo jing khe sogophu mane khlai hi, jini phap ni baslai habo jar khe ri ba.

1 THESSALONIKA 1:10

githi ni bising ni phrang bo mathangyaba ni thamsi sophai ginyaba ni phrang jing khe sogoyahba, boni basa Jisu khe, sorgo ni phrang phaiginyaba jon ba Madai ni gede nisi asa dengyaba khe bonsi jar ning thiphlung thar ba se.

2 THESSALONIKA 3:3

Thikhabo, Gabra de gibiyaba se; bo ning nisi khebo rao ri hi, subung hamyayaba ni phrang nisi khe dimkhao ma se.

1 TIMOTHE 1:17

Raja dedaothao, thaoglao subung, thih thaoyayaba, nuphuyayaba Madai gibi niha se ning bakhan jang muima de thaoglao thaoglao dong thing, Amen.

HEBRAIRAO 11:36

Gibin subung buthu bo dukhu rijao hi, bonsi sujao ba, ode gejesi jakha de sikhol jang khahjao hi phatho khoh ha dengjaoyarao bo bonsi dong ba.

1 PETER 5:8

Khiyal khlai hi, girik lah. Nisi ni sotru Soithan de misi raigonma hoba lai, ji mani smai hi daoding bai du.

2 PETER 2:9

Gabra de bokhe khiyal khlaiyarao khe dukhu hadi ni phrang sogo mani ode subung dormo niyayaba buthu khe bisar ni basain sosi saja ri hi ning deng mani bo mithi du.

1 JOHN 3:8

Sere phap khusi dang du, bo soithan ni phrang baigoyaba se. Soithan de jenba ni phrang phap khusi dangyaba se. Madai ni basa nujao phaiba ni balambo soithan khusi dangyaba buthu khe sjam mani khlai hi se bo phai ba.

NUJAOYABA 1:18

Subung gathang de ang se. Ang thih kha, thikhabo, nai lah, thaoglao thaoglao ni khlai hi ang thangphin kha. Githi jang githi ni raji ni chabi buthubo ang bubra se.

NUJAOYABA 19:1

Ebo ni yaohon ha gabang sorgo ni subung buthu ni khurang lai ang khna ba: Hallelujah! Sogoma ja thing, muima ja thing, raothai ja thing, jini Madai ni gaja se.

NUJAOYABA 19:4

Odehe, khrao khonbri hang gnang mih buthu blip pha hi, Amen, Hallelujah! thi hi Raja ni khamthan ha khamyaba Madai khe bonsi khlim ba.

NUJAOYABA 2:10

Ning dukhu jaginyaba buthu khe da khin. Nai lah, Diabol de nisi ni bising ha gejesi khe phatho ha jeb hi nai nai ma se, ode nisi nokha sain jhi dukhu ja ma se. Thih ba sosi lonma jang dongpha lang lah, odese nisi ne ang Raja ni khrothu khe ri ma.

NUJAOYABA 21:4

Bonsi ni muthai ni phrang khrip mudi buthu khebo rusa ri nang, bonsi thih phin nang niya kha. Khah baima ja thing, grayaba ja thing ode gilim gasabo japhin nang niya kha. Jinis gajam buthu de jam lang la kha, thi hi bo sainthi phai ba.

NUJAOYABA 3:10

Khitha rao hi phura dukhu ajao mani ninthane ang grao riyaba khe ning khah ha deng bani, phirthi ha dongyaba khrip nai nai mani habsao khonglang ni basao ha nai naiyaba sophai ba ha, angbo ning khe sogo nang.

NUJAOYABA 3:14

Laodikei longjom ni sorgo degla nihabo edehe reb lah: Amen, grao phlayaba lonma gnang jang sakhi gibiyaba, Madai jinis sangsai jenyaba ha edehe bo thi du:

NUJAOYABA 5:13

Odehe, khrip jadi hang gnang mih sorgo ni ja thing, phirthi ni ja thing, phirthi ni bakhla ni ja thing, sagor ar boni bising ha dongyaba khrip bo jirik khaoyaba khurang khebo ang khna ba: Singhason ha khamyaba niha, ode Melmasa niha, suguba ja thing, bakhan ja thing, muima ja thing, raothai ja thing, thaoglao thaoglao jang dong thing! thi hi bonsi rajab ba.