MATTHEW 6:10 - DARA GADAIN N.T. with PSA and PRO (BSI)

¹⁰ Nini raji sophai thing Nini nangjaoma sorgo ha dangba lai ning Phirthi ni subungbo dang thing.

MATTHEW 6:10 Iomraidhean Croise

BAKHAN NI RAJABTHAI 2:6

Ang jar ning ani hading gathar Zion ha Ang raja saikhuyaba khe kham ri blai kha, ode bo thi ba.

BAKHAN NI RAJABTHAI 40:8

O ani Madai, nini nangjaothai khe dang mane bislei ang nangjao du, Nini dara ni grao de nalai bo ani khah ha dong du.

MATTHEW 12:50

Sere ani Bupha sorgo ha dongyaba nangjaoba lai dangyaba de ani daphlung jang ani bahandao ode ani buma se.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 26:42

Bo phigin thang hi biphin ba, O Abai, ang lingginyaba bela khe ani phrang disai phuya khade, nini baothai lai ja thing.

MATTHEW 3:2

Bo thi ba, Khah phin lah, sorgo raji sampha kha,

MATTHEW 4:17

Bo bubli ni phrang se Jisu grao baipha langhi thi ba, Khah phin lah, sorgo raji sampha kha, thi hi bo grao thijen ba.

MATTHEW 7:21

Gabra, Gabra thi hi se ning ang khe jirikyaba de sorgo raji ha hap nang niya, thikhabo ani bupha sorgo ha dongyaba ni nangjaothai lai dangyarao de hap ma se.

MARKA 11:10

Jini bupha David ni raji phaiginyaba man jahi dong thing! Judaothao ha Hosanna! thihi jirikkhao du.

MARKA 3:35

Sere Madai ni nangjaothai ha khusi dang re, bo ning ani bada buphlung, ani bahandao ar ani buma se.

LUKE 19:11

Jisu ni grao khe subung buthu khnaba ha, Madai ni raji sophai kha thihi bonsi lonbani bonsi ne daogari masi sainthi ba.

LUKE 19:38

Gabra ni bumu jang phaiyaba Raja bakhan ja thing. Sorgo ha shanti dong thing, basaothao ni muima ja thing!

LUKE 22:42

Abai, ning nangjao re thikhade, ebo bela khe ani phrang disai lah. Thikhabo, ang nangjaoba lai niyahi, ning nangjaoba lai ning ja thing.

JOHN 4:34

Jisu thi ba, Ani jikhu de ebo se, sere ang khe haiha ba, boni khusi maphi ang dang ma nang du, ode boni khusi khe bo dangso rima nang du.

JOHN 6:40

Ani Bupha ni nangjaoma ede se: Sere Basa khe nuhi lon re, thaoglao ni hayu mai nang, odehe, ang bokhe jamthao mani basain ha mathang phin ma se.

JOHN 7:17

Sere Madai ni nangjaoma khe dang ma nangjao re, ang slingriyaba grao khe Madai ni phrang baigoyaba na ang jarni nangjaoba lai thiba thihi tharmai nang.

DANGYASARAO 13:22

Bokhe nekhao bani yaohon ha se, bonsi ni Raja ne khlai hi David khe Raja slam ba. Madai ning jarni grao jang thi ba, David, Jesai ni basa, ani khah jang baosiyaba subung khe ang mai kha, bo ning ani nangjaoma khe phura dang ma se, ode thi ba.

DANGYASARAO 21:14

Bo maniya bani yaohon ha, Gabra ni khusi ja thing, thihi jing phirik phirik dong la kha.

DANGYASARAO 22:14

Bo thi ba, Jini phagararao ni Madai ni nangjaoma khe tharmai mane ar ebo dormo khe nu mane, boni khuh ni grao khe tharmai mane khlai hi bo ning khe saikho kha.

ROM 12:2

Ebo habsao ni dongthai lai dongya hi, Madai ni nangjaothai hamba ode khaja jao gothaiyaba sothar si hamba khe nisi ragaosisi mithi phu mani khlai hi, nisi jarni khah gadain jahi gibin ja lang lah.

EPHESI 6:6

Subung khe khaja rima baoyaba buthu lai bonsi nuba ha se ning, khusi dangya hi, Krista ni leng lai khah jang muh jang Madai nangjao ba lai dang lah.

KOLOSSA 1:13

Bo ning andar ni hukhum ni phrang jing khe sogo hi, boni basa hamdaothao ni raji ha jing khebo gakhu ri kha,

KOLOSSA 1:9

Odebani, bese gede ni gyan ode bujima gnang khrip ha Madai ni nangjaothai bujima ha nisi gablai phu mani khlai hi, jing khna khali ni phrang, nisi ne khlai hi, nisi ne sain rihi, bi riba khe jing haigerya.

1 THESSALONIKA 4:3

Madai ni nangjaothai nisi khe gathar jama nangjaoyaba ebo se; nisi gaori ni phrang go hi dong lah.

1 THESSALONIKA 5:18

khrip ha khajama ni grao khe sainthi lah, ebo khe nisi ni khlai hi Krista Jisu hade Madai ni nangjaothai se.

HEBRAIRAO 1:14

Bonsi khrip khe khusi dangyaba bese buthu, sogolam ni somphothi phantha mai ginyarao ne khlai hi khusi dang mane bonsi haiha jaoyaba niya na?

HEBRAIRAO 10:36

Madai nangjao ba lai nisi dang blai hi, jinis hanggaiyaba khe nisi maiphu mani khlai hi nisi khah laoma nang du.

HEBRAIRAO 10:7

Boha se ang thima, O Madai, Nai lah, nini nangthai khe dang mani khlai hi ang phai du. Laisi bajab thonyaba ha ani balam ni grao khe bo reb du, ang thi du

HEBRAIRAO 13:21

boni muh ha boni khusi nisi ni gede dong hi, bo nangjaoba lai dang mani khrip hamba khusi jang Jisu Krista ni khlai hi nisi khe phura ja ri thing. Bo Jisu Krista niha ning thaoglao jang muima dong thing. Amen.

1 PETER 2:15

Musibo tharmaiyayaba gibir grao thiyaba khe niyathai mani khlai hi nisi khe Madai ning nangjaoba se.

1 PETER 4:2

Odebani, ebo phirthi ha boni hayu yaowai mani thaoyaba khrip ha subung ni mijingma buthu ha thangya hi, Madai ni nangjaoma ha thanghi dong mani khlai hi se.

NUJAOYABA 11:15

Sorgo ni degla sniyaba jar ni bibul khe dam ba jang, sorgo ha bol jang jirik khaoyarao, Habsao raji ni raji de jini Gabra jang boni Krista Raja ni raji ja lang la kha. Bo se jug jug bisar khlai ma! odehe bonsi thi ba.

NUJAOYABA 12:10

Odehe sorgo ni phrang khurang bol jang: Duha jini Madai sogoyahba, Boni raothai, boni raja ni raji odehe Messia ni hukhum sophai kha. Jini daphlungrao gajai riyaba, jini Madai niha sain hor gajai riyaba dangkhla jao kha.

NUJAOYABA 19:6

Odehe, subung buthu ni khurang, dih raoyaba ni khurang ho jaba lai, odehe nokhasao grimba ha grung grung jaba lai ang sar khna ba, Hallelujah, Gabra jini Madai, raothai gnang de bisar khlai du dou!

NUJAOYABA 20:4

Boha singhason khe ang nu ba, oraha khamyarao khrip bo bisar khlai mane hukhum rijaoyarao se. Jisu ni grao khe bonsi mithipha ri bani khlai hi, ode bonsi Madai ni grao ni khlai hi bokhro dainso jaoyarao ni bese buthu khebo ang nu ba. Bu buthu mih rege jang boni saokhuli khe khlimyaba niya, bonsi ni bathain buthu ha, bonsi ni yao buthu habo mih rege ni sin laya. Bonsi thangphin hi Krista jang baosi maithai jang rjing si bonsi sason khlai ba.