MATTHEW 6:1 - DARA GADAIN N.T. with PSA and PRO (BSI)

¹ Nisi hamba khusi dangyaba buthu khe, subung ni sagang ha bonsi nu mane dangya mane khlai hi girik lah; ode niya khade, nisi ni bupha sorgo ha dongyaba niha yaosandi mai nang niya.

MATTHEW 6:1 Iomraidhean Croise

BAKHAN NI RAJABTHAI 112:9

Dukhisarao nebo yaosandi ron du Boni gibi de thaoglao sosi dongma se Boni bumu de gede muima jang sugu jaoma se.

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 16:6

Jisu bonsi niha thiba, Pharisairao ode Saddukairao ni humao ni phrang naiso hi girik lah.

MATTHEW 23:13

Nisi Dara khe slingriyaba ode Pharisai giriklaiyarao, nisi ni bubain risi bi. Sorgo raji ni lama khe nisi subung buthu ni khlai hi phrao du; nisi bo hapya, malai hapginyarao khebo nisi hap riya.

MATTHEW 23:5

Khrip bonsi khusi dangyaba buthu khe subung khe phnu mane bonsi dang re. Bonsi khadu buthu ode honyaba buthu khe gede khlai rihi bonsi ni rih ni bergong khe logalai ri re.

MATTHEW 25:40

Raja bonsi khe thiphin ma, Gibi jang ang nisi khe thi du, ebo ani basa khasi daothaoyarao ni bising ha subung saosi ni basao ha nisi dangba de, ani basao ha se nisi dang ba, thihi bo thiphin ma se.

MATTHEW 5:16

Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.

MATTHEW 5:46

Jar hamjaoyaba khe se ning nisi khasao kha la, snadi khe nisi yaosandi mai ma? Khajna khrangyaraobo olei ning dangya na somo?

MATTHEW 5:48

Odebani, nisi ni bupha, sorgo ha dongyaba ham ba lai nisi ham ma nang ma.

MATTHEW 6:16

Nisi jiya hi hoh khongja dong khabo, subung giriklaiyarao lai mukhang mao hi da phnu. Bonsi de subung ni muh ha hoh khongja nujao mane bonsi ni mukhang khe bonsi sim ri re. Gibi jang ang nisi khe thi du, bonsi ni yaosandi khe bonsi mai thar kha.

MATTHEW 6:9

Odebani, nisi ede bi lah: Sorgo ni jini Bupha Nini bumu gathar man ja thing

MARKA 8:15

Jisu bonsi khe thi ba, Pharisairao ar Herod dolni humao ni phrang girik hi nisi dong lah.

LUKE 11:35

Odebani, nisi ni bising ni jdanma andar jaya mane girik lah.

LUKE 12:1

Gabang subung, rjing rjing gasep lai si bonsi bojom japhaba ha, Jisu sagangthao ha jarni yaohon rikphayarao khe thi ba, Pharisairao ni humao ni phrang girik lah, bonsi de giriklaiyarao se.

LUKE 12:15

Odebani, bo bonsi khe thi ba, Nisi harbaoma ni phrang girik lah. Don jang mang mang de subung thangya.

LUKE 16:15

Bo bonsi khe thiphin ba, Subung buthu ni sagang ha, nisi jar khe hamba subung lai phnu du; thikhabo Madai de nisi ni khah khe mithi du. Bede thikhala, marsini sagang ha man gnangyaba de Madai ni sagang ha musibo niya.

JOHN 12:43

Bede thikhala, Madai khe judao riba thane bonsi subung khe judao riba khe se gabang hamjaodao ba.

JOHN 5:44

Masi mang mangyaba gibi Madai ni phrang baigoyaba khe bakhan rima smaiya hi jar jar khe bakhan rima baokha de, bedehe nisi lonphu ma?

DANGYASARAO 3:12

Peter bonsi khe nuba jang bonsi khe sing ba, Nisi Israel subung buthu, ebo buthu khe snadi jabani nisi gmang ba? Jini raothai jang, jing Madai khe mani bani bokhe jing ham ri ba lai nisi ang khe naihi dong ba?

GALATIA 6:12

Saomang ha sere subung majang rima nangjaoyarao khripbo bujuh raso hi dong mani khlai hi nisi khe haiha du, bo gibin musibo niya, Krista ni kross ni khlai hi dukhu rijaoyaba ha dukhu rijaoya mane khlai hi se ning.

HEBRAIRAO 11:26

Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.

HEBRAIRAO 2:1

Odebani, jing khmao jang khnayaba buthu khe khah muh rihi jing khnadao ma nang du. Ode niyakha de, bo jang jing gajain ja ma se.

HEBRAIRAO 6:10

Nisi khusi dang du, duha sosibo nisi dangsai du, boni bumu ni khlai hi hamjaoma nisi phnu riyaba ode, subung gatharrao ni khusi buthu nisi dang riyaba khe blao mani khlai hi Madai de subung dormo niyayaba niya.

2 JOHN 1:8

Jing dang hi maiyaba buthu khe phantha gmaya hi, sothar si yaosandi khe nisi maiphu mani khlai hi hamsisi naiso lah.