MATTHEW 5:7 - DARA GADAIN N.T. with PSA and PRO (BSI)

⁷ Malai ni basao ha maya-doya khlaiyarao de khophal hambi, Bonsi maya-doya khlaijao ma se.

MATTHEW 5:7 Iomraidhean Croise

BAKHAN NI RAJABTHAI 112:4

Subung gibi, khasaoma-gnang ar malai khe khasao phuya bani khlai hi andar ha bo jdanma nu nang.

BAKHAN NI RAJABTHAI 112:9

Dukhisarao nebo yaosandi ron du Boni gibi de thaoglao sosi dongma se Boni bumu de gede muima jang sugu jaoma se.

BAKHAN NI RAJABTHAI 18:25

Lonma-gnang khe se ningbo lon ba Hamya subung ni khlai hi de ningbo hamsi ning hambi.

BAKHAN NI RAJABTHAI 37:26

Sainmidi bo magna jang jaoba ri re Bonsi ni ansarao bo hamthai mai hi ning dong nang.

GYAN NI GRAO BUTHU 11:17

Maya-doya gnang jar khe hamba khlai du. Thikhabo maya giriyayaba de jar khe dukhu ri du.

GYAN NI GRAO BUTHU 11:25

Malai ne riyaba de gnang jama se Malai khe ji riyaba de jar bo mai jima se.

GYAN NI GRAO BUTHU 14:21

Jar ni noharirao khe naisle re, bo phap khlai ba se Thikhabo, sere suliyayarao ni basao ha khasao du, boni jathai hambi.

GYAN NI GRAO BUTHU 19:17

Dukhisa khe juruyaba de Gabra khe se lagai phnang ba, Bonthane khusi dangyaba ni yaosandi ri ma se.

MARKA 11:25

Ar nisi bi mane songbaha malai asababo nisini basao ha gajai riyaba khe map khlai lah, ode ning nisini bupha sorgoha dongyababo nisini gajai khe map khlai nang.

LUKE 6:35

Odebani nisi de jarni sotrurao khe hamjao lah, ode bonsi ham mane khusi dang lah; ar maiphin mane asa jayahi lagai ri lah, odese nisi hamthai ni yaosandi gabang mai hi judao thaoyaba ni sasik ja ma. Bo de khaja ba ringyayarao ode subung phaphirao khe bo khasao re.

ROM 11:30

Boni sagang ha de Madai ni grao khe bonsi lonya, thikhabo, bonsi lonya bani khlai hi duha de khasaoma khe nisi mai kha.

1 KORINTH 7:25

Duha, naga mala gatharrao ni balam ha de Gabra riyaba musi khebo ang maiya, thikhabo, Gabra khasao bani khlai hi lonjao ma ang ja bani dara jang ani baothai khe ang ri du.

2 KORINTH 4:1

Odebani, Madai khasao bani dara jang ebo dangyaba khusi de jini phantha jakha bani, jini khah khe jing raoya ja riya.

EPHESI 4:32

Nisi saosi jang saosi khe khasao lai hi, maya nanglai lah; bede thikhade Madai ning Krista ha nisi ni gajai khe map khlai ba lai ning nisi bo saosi jang saosi khe map khlai lai lah.

KOLOSSA 3:12

Madai subung saikhoyaba jang baosi subung gathar jahi, mayama, maigru gruyaba, basasa jayaba, grao ni hukhum bakhla ha dongyaba, dukhu suiyaba buthu khe lahi thu lah.

1 TIMOTHE 1:13

Sagang hade rege jaoyaba ode dukhu riyaba, ode khah maya giri hi saja riyaba ang ja lakhabo, lonyayaba subung jaba ni, mithiya hi se ang dang bani, khasaoma khe ang mai ba.

1 TIMOTHE 1:16

Thikhabo, bo jinis ni khlai hi se ani basao ha maya doya khe ang mai ba, ang subung phaphi jadao thaoyaba ani ha ning, Jisu Krista se jar ni khah laoma sothar si khe phnu ri hi thaoglao ni hayu mai mani bokhe lon ginyarao ne khlai hi, daogari nai mani bo angkhe slamphu mani khlai hi.

HEBRAIRAO 4:16

Odebani, jing khasao jaomani ode bubli ha jing jurujaoma nangba ha juru jao mani khlai hi khasaoma ni Raja ni khamthan gede khitha rao hi jing sampha lai nang.

HEBRAIRAO 6:10

Nisi khusi dang du, duha sosibo nisi dangsai du, boni bumu ni khlai hi hamjaoma nisi phnu riyaba ode, subung gatharrao ni khusi buthu nisi dang riyaba khe blao mani khlai hi Madai de subung dormo niyayaba niya.

JAKOB 2:13

Khasaoma giri hi khusi dangyaba, khasaoma giri hi ning bisar khlaijao ma se. Khasaoma dongyaba subung ni khlai hi bisar ni basao ha musi khinmani giri.

JAKOB 3:17

Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya.

1 PETER 2:10

Sagang hade nisi Madai ni subung buthu jaya, thikhabo, duha de nisi ja kha; sagang hade nisi maya maiya, thikhabo duha de maya doya mai kha.