MATTHEW 5:6 - DARA GADAIN N.T. with PSA and PRO (BSI)

⁶ Dormo ha hukhri hi dih gangjaoyarao de khophal hambi, Bonsi ni khah gablai ma se.

MATTHEW 5:6 Iomraidhean Croise

BAKHAN NI RAJABTHAI 107:9

Bo dih gangyaba khe dih gang go ri kha Hukhriyarao khe hamba jimu-gaimu jang hukhri go ri kha.

BAKHAN NI RAJABTHAI 145:19

Bo khe khinyarao ni khah phura khlai ri du, Bonsi ni grayaba khurang khe khna hi sogo du.

BAKHAN NI RAJABTHAI 17:15

Ang gibi subung bani nini mukhang khe nu phu nang Ang ning jang baosi jahi ani muh nuphu kha ning Ani khasu ha suk ja la nang.

BAKHAN NI RAJABTHAI 63:5

Hamba jikhu-lingkhu jang khaja ba lai Ani bese bo khaja la ma, Ani khuh ni slaiju jang rajab hi ning khe bakhan ri la ma.

BAKHAN NI RAJABTHAI 65:4

Ning je sere saikhuyaba ar nini hakhli ni gabasi ha labuya ba Bonsi ni khophal hamba se. Nini gathar Temple ha, nini noh ni hamba jang Jinthane gablai ri kha.

BAKHAN NI RAJABTHAI 84:2

Gabra ni khutha ha dongma ni khlai hi ani bese nangjao du, Gathang Madai ni khlai hi ani khah ode sao-hain gra du.

GYAN NI GRAO BUTHU 10:24

Phaphi subung seng khe khin du, bo ning bonsi khe rem ma se. Gibi subung nangjaoyaba khe maiso ri ma.

GYAN NI GRAO BUTHU 21:21

Sere gibi jang hamjaoma khe smai re Bo hayu, gnang ode man mai re.

LUKE 1:53

Hukhri jaoyarao khe hamba jimu jang hoh gablai ri kha, Ode, gnangrao khe yao khongja khlai hi haiha kha.

LUKE 6:21

Duha nisi hukhri hi dongyarao, nisi ni khophal hambi, Nisini hoh gablai nang. Duha grayarao nisi ni khophal hambi, Nisi mini mai nang.

LUKE 6:25

Duha nisi hoh gablaiyarao, nisi ni bubain risi bi, Nisi hukhri mai nang. Nisi duha miniyarao, nisi ni bubain risi bi, Khah waimu jang nisi grama se.

JOHN 4:14

Thikhabo, ang bone riginyaba dih khe sere ling re thikhade, dih gangphin thaoya kha. Ang riyaba dih boni khasu ha dihmu ni dih baigo songba lai thaoglao ni hayu lai jama se.”

JOHN 6:27

Makham jam ginyaba khe smai hi dukhu da khlai, thaoglao sosi dongyaba makham, Marsini Basa ri ginyaba khe smai lah, boni khlai hi Bupha Madai ne phnuya kha.

JOHN 7:37

Mel ni yaohonthao ni basain, basain dedao thaoyaba ha Jisu song hi, jirik khao hi grao jo ba, Sere dih gangjao re, aniha phaihi ling la thing.

NUJAOYABA 7:16

Bonsi hukhri nang niya kha, bonsi dih bo gang nang niya kha. Bonsi sain nang nang niya kha, asaba khalibo dungyaba jang dukhu ja nang niya kha;