MATTHEW 5:30 - DARA GADAIN N.T. with PSA and PRO (BSI)

³⁰ Nini yaoda jang ning khe doda ri du thikhade, bo khe dainso hi dangkhlai lah. Nini saomang khrip norok ha dangsing jaoba thane nini yao gongsi giriba se nini khlai hi hamdao.

MATTHEW 5:30 Iomraidhean Croise

MATTHEW 11:6

Sere ani basao ha khah maniya maiyayaba de boni khophal hambi, thi hi thi tha.”

MATTHEW 13:21

Thikhabo boni ha yader giri bani khaisa basain ne se ning dong ba; bede thikhade grao ni khlai hi dukhu hadi rijao kha ning bo rain re

MATTHEW 16:23

Boha Jisu naiphin hi Peter khe jo ba, Soithan, ani yaohon ha thang lah; ani khlai hi ning gaso-susoyaba se. Bede thikhade, Madai ni grao buthu khe ning baoya, subung buthu ni grao buthu khe se ning bao ba, thihi thiba.

MATTHEW 17:27

Thikhabo, ning dih wari ha thang hi, phisa bim lah; ode, nah sagangthao baigoyaba khe rem hi, boni bukhuh khe sasi kha ning rang bagrai magin mai nang; bokhe lahi ning jang ani khlai hi bonsi ne ri lah, ode niyakha de bonsi khah ha hamjaoya jajao nang.

MATTHEW 18:8

“Nini yao ode nini igah jang ningkhe doda rihi khuda ri khade, bokhe dainso hi dang khlai lah; yao ode igah gonggin dong hi waikhor ha dangsing jaoba thane de, igah khora ar yao gabai jahi hayu ha hap ba se nini khlai hi hamdao.

MATTHEW 22:13

Odese, Raja jar ni lengrao niha thiba, “Boni yao igah khe khahi, hakhli andar ha danghun khlah, oraha se grahi hathai waihi bo dong ma thihi thiba.”

MATTHEW 25:20

Talent mabowa rijaoyaba leng de phai hi, talent gibin mabowa labu hi thiba, Gedeba, ning talent mabowa a ne yaopha dengba khe nai lah, talent gibin mabowa bangdao hi ang khaikho kha.

MATTHEW 26:31

Odehe, Jisu bonsi khe thiba, Dini hor ha nisi khripbo ani balam ni grao ha nisi khah ha jajaoya hi dongthar ma. Melma raokhiyaba ang su nang, ode melma buthude khaidra ma se thihi rebyaba lai.

MATTHEW 5:22

Thikhabo, angde thi du, sere jar ni daphlung ni basao ha thamsi baigo du, bo bisar khlaijao ma se; ode, sere jar ni daphlung khe khusi ha nangjaoyayaba thi du, bo bisar khlaijao ma se; sere gibir thi du, bo norok ni wai ha dangsing jao ma se.

MATTHEW 5:29

Odehe, nini yaoda ni muthai jang ning khe khuda hi galai ri khade khaikho hi dangkhlai lah. Nini saomang norok ha dangsing jao hi dong ba thane, nini saomang ni masi jamba se nini khlai hi hamdao.

MARKA 9:43

Ode, nini yao jang doda ri khade, nini yaokhe dainso khla lah. Yao gonggin donghi norok waikhor thiyayaba ha thangba thanede, yao gongsi donghi hayuha thangba ningthane hamdao.

LUKE 12:5

Thikhabo, sere khe nisi khinma nang re, ang nisi ne thi ri nang; sthaiba ni yaohonha norok ha lemsing mani khemotha gnang khe khin lah. Ang thi du, bo khe se ning khin lah!”

LUKE 17:2

Sere ebo khasidao thaoyaba subung buthu ni bising ha, asaba khe bo galai ri re, mai honyaba longthai gedeba boni gorna ha khah dada, sagor ha lemsingba se bone phantha hamdao.

ROM 9:33

Nai lah, Zion ha khudayaba longthai ode, khuda riyaba longthaima ang deng du; Sere bo khe lon du, bo laji nu nang niya thihi reb ba lai.

1 KORINTH 8:13

Odebani, jinis jiyaba jang ani daphlung khe bo galai ri kha de, ani daphlung khe ang galai riya mani khlai hi asaba mogong khe ang jiya kha.

GALATIA 5:11

Thikhabo, daphlungrao, jodi ang duha sosi bo rasoyaba ni grao khe se ning ang thi khala, snadi jabani duha sosibo ang dukhu rijao hi dong ba? Olei se thikhala, Kross khayaba khe sjam kha mu.

1 PETER 2:8

Ar gibin hathan ha Madai ni grao ha ede thi du, Subung buthu khe khuda riyaba longthai, subung buthu khe galai riyaba longthaima se, Grao khe bonsi maniyaba ni bonsi khuda hi galai ba. Olei jama ni khlai hi ning bonsi khe saikho daba se.